web counter
LEXO PA REKLAMA!

SHKARKO APP

App Store
Google Play

Protesta e 7 korrikut/ Apeli i qytetarit: Kam çerek pensioni dhe gjysmë shtëpie

3 Korrik 2022, 12:02, Politikë CNA
Protesta e 7 korrikut/ Apeli i qytetarit: Kam çerek pensioni dhe
Pensionisti Pëllumb Zade

Pensionisti Pëllumb Zade ka listuar disa arsye se përse ai dhe shqiptarët duhet të dalin në protestën e organizuar nga Partia Demokratike, më 7 korrik.

Në një deklaratë për shtyp nga selia blu, banori i Unazës së Re thotë se ka mbetur me çerek pensioni dhe gjysmë shtëpie, pasi gjysma e banesës i është shembur nga bashkia për projektin e Unazës së Madhe.

Qytetari shprehet se disa nga arsyet që e çojnë në protestë janë gjendja ekonomike, largimi i të rinjve dhe trafikimi i drogës.

“Unë jam Pëllumb Zade, 79 vjeç, pensionist. Jam një prej 'të mbijetuarve' të Unazës së Re. Jam pak më me fat se të tjerët, sepse kam humbur vetëm gjysmën e shtëpisë. Për veten mund të them se jam një shqiptar me çerek pensioni dhe gjysmë shtëpie.

Ka një mijë arsye për të dalë në protestën e 7 korrikut. Janë rrogat e ulëta, pensionet e mjera, çmimet pa tavan dhe, mbi të gjitha, shpërfillja e qeverisë.

Arsyeja madhore është shpopullimi. Kam një pyetje për të gjithë ata që bëjnë sikur nuk e shohin zbrazjen e atdheut. Kush do të paguajë për pensionin tim sot dhe për pensionin tënd nesër, nëse vendi zbrazet nga forca punëtore dhe arsenali njerëzor!?

Një pyetje e kam edhe për ata që thonë se kanabisi nuk na bën gjë, se ne nuk e përdorim. Po kur të vejë te fëmijët? Po nuk qenë fëmijët e mi do të jenë të tutë. 

Një pyetje kam për ndërkombëtarët: Si e përkrahni një qeveri të tillë në vendin tim? A do ta lejonit një qeveri të ngjashme në vendin tuaj? Jam Pëllumb Zade. Jetoj vetë i pestë me një pension 18 mijë lekësh. Kur një prej nesh është në rrezik, Shqipëria është në rrezik”, theksoi ai./ B.A. - CNA.al





Lajmet e fundit nga