E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

“Në 7 korrik nis opozita e vërtetë”/ Bylykbashi: Do të rrëzojmë Edi Ramën, kauza e PD-së është e qytetarëve

3 Korrik 2022, 15:44, Politikë CNA

“Në 7 korrik nis opozita e vërtetë”/ Bylykbashi: Do

Oerd Bylykbashi

Nënkryetari i Partisë Demokratike, Oerd Bylykbashi, u bën apel të gjithë qytetarëve të dalin në protestë në 7 korrik për të reaguar së bashku kundër një qeverie, e cila sipas tij po i vjedh shqiptarët.

Në një intervistë për "Vizion Plus", Bylykbashi ka theksuar se kauzat për të cilat Partia Demokratike ka thirrur protestën janë kauza të të gjithë qytetarëve shqiptarë, duke nisur nga bordet komuniste që përcaktojnë çmime, te taksat e larta, te mungesa e mbështetjes për shtresat në nevojë e deri te korrupsioni i pushtetarëve.

“Sigurisht që ne jemi për të udhëhequr këtë pakënaqësi të qytetarëve dhe protesta është pikërisht një kambanë e fortë për t'i thirrur të gjithë drejt nevojës për ta ndryshuar këtë regjim kleptokratik dhe oligarkik. Qytetarët sot po vuajnë në të gjitha aspektet, qeveria po i vjedh, po i grabit ditën për diell me mekanizma si këto bordet e transparencës që janë vendosur për të grabitur shqiptarët, ndërkohë që qeveria rezulton me fitim, merr para nga taksat për shkak të çmimeve të rritura nga qytetarë që varfërohen përditë e më shumë, po vendos sisteme taksimi edhe mbi shtresën e mesme, mbi biznesin, pra po i varfëron të gjitha shtresat”, tha ai.

Për nënkryetarin e PD-së, Bylykbashi 7 korriku është momenti kur edhe deputetët e partisë demokratike duhet të bashkohen për të qëndruar në krah të qytetarëve.

“Të gjithë ne e kemi për detyrë që të bashkohemi në këtë sfidë të madhe për të rrëzuar Edi Ramën. Kështu që unë mendoj që është një moment shumë i mirë që të gjithë të kuptojnë që bashkohemi me qytetarët, bashkohemi së bashku, objektivin e kemi të përbashkët për të bërë një opozitë të fortë dhe të vërtetë dhe 7 korriku është një moment për gjithëkënd që të tregojë se ne jemi me zgjedhësit, nuk jemi me interesat”, deklaroi Bylykbashi.

48 deputetë të Partisë Demokratike janë shprehur pro protestës pavarësisht nëse e mbështesin apo jo Sali Berishën në krye të forcës më të madhe të opozitës. Të vetmit që janë deklaruar kundër saj janë Enkelejd Alibeaj, Gazment Bardhi dhe Ferdinand Xhaferraj./CNA.al