LEXO PA REKLAMA!

SHKARKO APP

Pasi rrahu demokratët me shkop/ Salianji ndryshon krah: Berisha ka shumicën, Basha pakicën

2 Qershor 2022, 21:59, Politikë CNA
Pasi rrahu demokratët me shkop/ Salianji ndryshon krah: Berisha ka
Ervin Salianji

Ervin Salianji, deputeti që në protestën e janarit rrahu me shkop demokratët, është shprehur se Sali Berisha ka shumicën e Partisë Demokratike.

Një copëz e vogël, tha ai, mbështet Lulzim Bashën.

Salianji ngre shqetësimin se PD-ja mund të shkojë drejt ndarjes, ndërsa inkurajon bashkimin e të gjithë deputetëve.

I ftuar në emisionin "Të Paekspozuarit" me Ylli Rakipin, Salianji tha se PD-ja duhet të bashkohet dhe se është absurde që deputetët demokratë nuk ulen me njëri-tjetrin, por disa prej tyre janë të gatshëm të ulen me Ramën dhe Ballën.

"Përpjekje mund të ketë pasur, por në fund ka rëndësi rezultati. Për degët dhe Këshillin Kombëtar, duhet të kishte zgjerim dhe përfshirje, për të thënë deputetët do të jenë pjesë e procesit, për të pasur zgjedhje të pranueshme nga të gjitha palët.

Kjo u kërkua për t'i dhënë mundësi bashkimit. Nuk është kurrë vonë.

Nuk e kuptoj si mund të kërkosh të ulesh me Ramën dhe Ballën dhe mos të ulemi dot ne deputetë të PD, është një përpjekje për të krijuar dy parti. Një parti pak më e madhe, te Berisha dhe një shumë më e vogël, që nuk do ta lëshojë Lulzim Basha", tha Salianji./E.K-CNA.al

Lajmet e fundit nga