web counter
LEXO PA REKLAMA!

SHKARKO APP

App Store
Google Play

Presidenti/ Balla: Kemi listën e emrave, të shtunën zbulohet kandidati

2 Qershor 2022, 21:28, Politikë CNA
Presidenti/ Balla: Kemi listën e emrave, të shtunën zbulohet
Taulant Balla

Kryetari i Grupit Parlamentar të PS, Taulant Balla, tha se socialistët kanë gati listën e kandidatëve për presidentin e ri.

Balla tha në emisionin “Opinion” se kandidaturat do të diskutohen me kryesinë dhe të shtunën do të zbulohet emri i kandidatit që do të votohet në orën 18:00 po në të njëjtën ditë.

“Ka pasur diskutime edhe që nuk janë bërë publik, diskutime në një rreth më të vogël, grupi i punës, grupi parlamentar dhe kryesia e partisë. Kemi bërë disa herë diskutime. Dhe në kryesinë e PS është bërë një proces me emra dhe nga ai proces ka dalë një listë dhe nesër është dita finale. Unë nuk dua të hyj në detaje. Ka disa emra. Presidenti është një figurë përbashkuese. Dy presidentët e fundit kanë qenë të ardhur nga politika, i ndjeri Nishani dhe Meta. Nishani kur erdhi çështja për zbatimin e Kushtetutës e respektoi. Presidenti pasardhës është presidenti që ka shkelur kushtetutën. Për president nuk do të donim të kishim një president aktiv në politikë”, -tha Balla./ CNA.al





Lajmet e fundit nga