web counter
LEXO PA REKLAMA!

SHKARKO APP

App Store
Google Play

Zgjedhja e presidentit/ PD zyrtarizon qëndrimin: Nga ne nuk ka bojkot

2 Qershor 2022, 17:18, Politikë CNA
Zgjedhja e presidentit/ PD zyrtarizon qëndrimin: Nga ne nuk ka bojkot
Grupi i PD

Partia Demokratike do marrë pjesë në seancën plenare që do të mbahet ditën e shtunë për të votuar emrin e ri për president.

Në bazë të rezolutës të miratuar nga Këshilli Kombëtar, deputetët shprehen se janë të detyruar që të shprehin të drejtën e tyre me votë.

Në rezolutën që është miratuar në datën 6 maj 2022 thuhet: “Në kushtet e mosbesimit të thellë, ofrimi opozitës parlamentare i përzgjedhjes së kandidatëve mbi bazë kriteresh të dakordësuara me consensus, që synojnë kandidatura që përfaqsojnë më së miri unitetin e popullit, do të kontribuonte sado pak në rivendojen e balancave kushtetuese, shmangien e kapjes së plotë të pushteteve nga Partia Socialiste dhe evitimin e thellimit të krizës politike. Vullneti politik i Partisë Demokratike bazohet vetëm tek vota përfaqësuese e antarësisë së PD dhe zgjedhësve të saj. Rezoluta e Kuvendit Kombëtar të Partisë Demokratike të datës 30 prill 2022 refuzon bojkotin si instrument politik”.

I kontaktuar nga CNA.al deputeti i PD Oerd Bylykbashi deklaroi se do të marrin pjesë në seancën e të shtunës, si një detyrim i rezolutës dhe do shprehin vullnetin e tyre me votë.

"Ne kemi rezolutë të PD që do marrim pjesë në votim. Është detyruese si rezolutë për deputetë se është e Këshillit Kombëtar”, tha Bylykbashi.

Të njëjtën gjë pohoi edhe deputeti demokrat Edi Paloka. Për CNA.al ai tha se nuk do e bojkotojnë seancën, ndërsa la të kuptohet se vota e tyre do jetë kundër.

“Nuk bojkotohet seanca nga ne. Nuk votojmë asnjë kandidat të Ramës, edhe Edi Palokën po nxorri”, tha Paloka për CNA.al./E.K





Lajmet e fundit nga