web counter
LEXO PA REKLAMA!

SHKARKO APP

App Store
Google Play

E fundit!

x

“Djalli fshihet në detaje”/ Plas debati mes Grida Dumës dhe Bledi Klosit

1 Qershor 2022, 22:55, Politikë CNA
“Djalli fshihet në detaje”/ Plas debati mes Grida Dumës
Deputetja e Partisë Demokratike, Grida Duma dhe sekretari organizativ i PS-së, Blendi Klosi

Deputetja e Partisë Demokratike, Grida Duma ka debatuar ashpër me sekretarin organizativ të PS-së, Blendi Klosi, teksa kanë qenë duke folur për votën e lirë në Shqipëri dhe listat e hapura.

Klosi tha se çdokush ka mundësi të hyjë në politikë, ndërsa kjo deklaratë ka dërguar në “përplasje”, pasi Duma nuk ka rënë dakord.

Deputetja demokrate pretendon se listat janë të përcaktuara nga kryetarët e partive dhe janë të mbyllura.

Debati në emisionin “Bardh a Zi”:

Klosi: Çdokush ka mundësi të ecë përpara në politikë, siç futen shumë të rinj. Çdo palë zgjedhje futen me dhjetëra, nuk e di me përqindje, por besoj mbi 30% e Parlamentit është i ri. Lista është e re. Ai i riu hyn nga asnjë sistem.

Duma: Pa sistem hyn fare? Dhe kjo është e vërteta… kjo që thotë kolegu është spekulative. Se qenka problemi që nuk i hapim dot listat dhe të kthejë politikën në karrierë se do përfaqësohet komuniteti. Atë e zgjidhim.

Klosi: Jo të thashë për rajonet, jo për listat e hapura.

Duma: Po edhe për rajonet, e zgjidhim se ashtu siç partitë politike i çojnë të deleguar disa individë për të mbuluar territoret dhe ndajnë punën, ashtu mund të vijojë të bëhet e njëjta ndarja pune. Këtu diskutimi ndahet në 2 nivele. Diskutimi i parë janë listat e përcaktuara nga kryetarët e partive të cilat nuk prodhojnë politikë. Në parlamentin e Shqipërisë kemi kolegë dhe pak prej tyre të ngrenë në nivel kombëtar çështjet lokale. Mos flasim për jetën politike të deputetit i cili është pa mbështetje të ekspertizës, pa mbështetje të konsultës, pa një zyrë. Ti sot nuk ke zyrë të deputetit.

Klosi: Teorikisht e ke.

Duma: Nuk e ke fare, një deputet i opozitës të shkojë te bashkia nuk i shkon askush aty.

Klosi: Është gjë tjetër, por zyrat janë.

Duma: Po kjo është. Djalli fshihet në detaje.

Klosi: Zyrat janë, se si menaxhohen atë e diskutojmë./ B.A. - CNA.al





Lajmet e fundit nga