web counter
LEXO PA REKLAMA!

SHKARKO APP

App Store
Google Play

Open Balkan/ Zef Preçi i shqetësuar: Qeveria sjellje arrogante

1 Qershor 2022, 19:41, Politikë CNA
Open Balkan/ Zef Preçi i shqetësuar: Qeveria sjellje arrogante
Ekonomisti Zef Preçi

Teksa ka folur për Open Balkan, ekonomisti Zef Preçi, ka shprehur shqetësim se qeveria e Edi Ramës po injoron problematikën që ka ekonomia jonë.

Sipas tij, qeveria po tregon mungesë vëmendjeje edhe për problematikat e ekonomisë në marrëdhënie me Kosovën dhe vetë procesin e integrimit.

Preçi tha në emisionin “Task Force” se qeveria po sillet me arrogancë për Open Balkan, duke injoruar edhe mesazhet e fundit të kancelarit Schols që duhet t’i kthehen procesit të Berlinit.

“Shqetësues për opinionin duhet të jetë një lloj internacionalizmi proletar që sundon te elita politika në pushtet duke injoruar problematikën që ka ekonomia jonë dhe ekonomia jonë në marrëdhënie me Kosovën, dhe vetë procesin e integrimit pasi në fund Open Balkan është jugusfera apo sfera e ndikimit politik, ekonomik etj.

Është problem për tu shqetësuar se atë çfarë humbet në luftë, Serbia e fiton në paqe, praktikisht ka një lloj barazimi të viktimës me agresorin dhe në të njëjtën kohë injorohen dallimet që ekzistojnë në ekonomitë në vende të veçanta dhe njëkohësisht injorohen perspektivat, duke kapërcyer problemet që nuk janë të kapërcyeshme siç janë marrëdhëniet e Serbisë me Kosovën.

Më bën përshtypje një lloj arrogance e qeverisë për sa i përket Open Balkan, insistimi në vazhdimësi duke injoruar edhe mesazhet e fundit të kancelarit Schols që duhet t’i kthehen procesit të Berlinit, pasi çdo zhvendosje vëmendje nga ky proces është zhvendosje e vëmendjes nga vetë procesi i integrimit”, theksoi ekonomisti./ B.A. – CNA.al





Lajmet e fundit nga