LEXO PA REKLAMA!

SHKARKO APP

Ish-ministri jep alarmin/ Shoqëria do t’i vuajë gjatë pasojat e përçarjes dhe të gjykimit urrejtës

1 Qershor 2022, 10:22, Politikë CNA
Ish-ministri jep alarmin/ Shoqëria do t’i vuajë gjatë
Ish-ministri, Ylli Manjani

Ish-ministri i Drejtësisë, Ylli Manjani, ndërsa komenton situatën politike në vend, shkruan se mazhoranca socialiste vijon të përdorë Sali Berishën si “justifikim” për qeverisjen e keqe, koncesionet, dhunën ndaj fjalës së lirë e të tjera si këto.

Në një postim në rrjetet sociale, ndërsa ndalet te refuzimi për të dënuar gjenocidin serb në Kosovë, Manjani shkruan se mazhoranca socialiste po përdor politikën përçarëse.

Ai thekson se politika e mbrapshtë dhe thellësisht përçarëse nuk e llogarit aspak se kjo sjellje përçan kombin, jo thjesht shqiptarët politikë.

Sipas Manjanit, shoqëria do t’i vuajë gjatë pasojat e përçarjes dhe të gjykimit urrejtës.

Partia-shtet Saliun e ka si biçim justifikimi për të keq qeverisjen dhe vendimet aburde që burojnë prej saj.

Dhe këtë justifikim ka 9 vite që e përdor, pavarësisht faktit është apo jo Saliu aktiv në politikë. Sentenca "fajin e ka Saliu" është përdorur rregullisht për të justifikuar koncensionet, dhunimin e drejtësisë së pavarur, dhunën ndaj fjalës së lirë, vjedhjen me ligj të zgjedhjeve, dënimin me vdekje të opozitës e çdo gjë tjetër.

Në këtë moment, Saliu në krye të PD dhe me non-grata të sajuar nga kjo lloj politike, bëhet justifikim edhe më "i besueshëm"...

Në fakt të mos dënosh genocidin serb mbi shqiptarët e Kosovës, nuk ka justifikim që e fsheh. Por politika e mbrapshtë dhe thellësisht përçarëse nuk e llogarit aspak se kjo sjellje përçan kombin, jo thjesht shqiptarët politikë.

E njëjta gjë, por edhe me ndihmën e urrejtësve AliBashë, partia shtet dënoi për së dyti Simon Mirakën.

Insistoj, kjo lloj politike që ka bazë përçarjen dhe nxit urrejtje ndaj grupeve sociale mbi baza politike është e dënueshme! Shoqëria do ti vuajë gjatë pasojat e përçarjes dhe të gjykimit urrejtës.

Edhe Enveri gjeti justifikim Ahmet Zogun, ballistët e mendjet e tjera të ndritura, por të gjithë e dimë si përfunduam si shoqëri...

Dhe me këto "justifikime" kanë qenë dakord edhe aleatët! Njësoj si sot...

Edhe sa do ta shtyjnë me "justifikimin" Sali?!”-shkruan Ylli Manjani.

Lajmet e fundit nga