LEXO PA REKLAMA!

SHKARKO APP

Fëmijët para pajisjeve elektronike/ Evis Kushi, mesazh prindërve

31 Maj 2022, 18:50, Politikë CNA
Fëmijët para pajisjeve elektronike/ Evis Kushi, mesazh prindërve
Ministrja e Arsimit dhe Sportit, Evis Kushi

Ministrja e Arsimit dhe Sportit, Evis Kushi, ka dhënë një mesazh për prindërit gjatë një aktiviteti në sheshin “Nënë Tereza”, në sajë të Ditës Olimpike.

Ministrja shprehu shqetësimin për fëmijët të cilët kalojnë një kohë të gjatë para pajisjeve elektronike, duke shprehur nevojën e përditshme të nxënësve për aktivitet fizik.

“Pjesëmarrja e tyre në sport u jep mundësi të rrisin aftësitë fizike dhe ndërpersonale. Gjithashtu, sporti është një parandalues i mirë i fenomeneve negative shoqërore për të rinjtë, si bullizmi, përdorimi i drogës dhe alkoolit, demonstrimi i sjelljeve të dhunshme. Ndaj, dhe vëmendja e ndjeshmëria ndaj zhvillimit të sportit shkollor është mjaft e lartë”, është shprehur ministrja.

Në politikat e zhvillimit të sportit shkollor, Kushi ka deklaruar se MAS u ka kushtuar një vëmendje të veçantë masivizimit të sportit, rritjes së vlerave sportive dhe gjithëpërfshirjes për të gjitha grupmoshat, përfshirë edhe nxënësit me aftësi ndryshe./ B.A. - CNA.al

Lajmet e fundit nga