LEXO PA REKLAMA!

SHKARKO APP

E fundit!

x

“Ditë e rëndësishme”/ Albana Vokshi voton në Kongresin e PPE

31 Maj 2022, 17:55, Politikë CNA
“Ditë e rëndësishme”/ Albana Vokshi voton në
Albana Vokshi në PPE

Deputetja e PD, njëherësh kryetarja e Lidhjes Demokratike të Gruas, Albana Vokshi, ka votuar në Kongresin e PPE që po mbahet në Rotterdam, për Presidentin e Partisë Popullore Europiane.

Vokshi përmes një postimi në rrjetet sociale shkruan se e sotmja është një ditë e rëndësishme për PPE, ndërsa shton se ajo mbetet partnere afatgjatë dhe e besueshme e Partisë Demokratike.

"Ditë e rëndësishme për PPE. PPE ka dhënë mbështetjen e saj me konsensus për Manfred Weber, i cili pritet të zgjidhet Presidenti i ri i saj. Në këtë mënyrë, PPE ka vendosur të bashkojë postin e Presidentit me atë të Kryetarit të Grupit Parlamentar të saj në Parlamentin Europian. Nesër votimi për 10 zëvendëspresidentët dhe trezorierin e EPP. EPP partnere afatgjatë dhe e besueshme", shkruan Vokshi.

Partia Demokratike përfaqësohet në Kongresin zgjedhore të PPE nga anëtari i Kryesisë dhe njëherazi kryetari i FRPD, Belind Këlliçi, si dhe anëtarët e Këshillit Kombëtar, Genc Pollo e Gerti Bogdani./E.K-CNA.al

Lajmet e fundit nga