web counter
LEXO PA REKLAMA!

SHKARKO APP

App Store
Google Play

E fundit!

x

“Serbia është një Rusi e vogël”/ Berisha: Vuçiç, luftënxitësi që do pushtimin e Kosovës

31 Maj 2022, 17:46, Politikë CNA
“Serbia është një Rusi e vogël”/ Berisha:
Kryetari i PD-së, Sali Berisha

Kryetari i PD-së, Sali Berisha, është shprehur se me shërbimin që presidenti Aleksandër Vuçiç po i bën Moskës, e ka kthyer Serbinë në një Rusi të vogël.

Në një postim në rrjetin social "Facebook", Berisha shprehet se Vuçiç është një luftënxitës, që ka për qëllim pushtimin e shteteve të pavarura si Kosova.

Postimi i Berishës:

Betim konfliktual dhe luftënxitës!

Të dashur miq,

Presidenti serbomadh i Serbisë, Aleksandër Vuçiç, me qëndrimet e tij ndaj Rusisë, fakton se sot, Serbia më shumë se kurrë është një Rusi e vogël, kurse ai vetë është një Putin i vogël në rajonin tonë.

Perveç kësaj, padroni i Edi Ramës në betimin e tij si President Republike, nuk nguroi të betohet si një fanatik serbomadh duke u shprehur me dorë në Bibël se: “Betohem se do t’i kushtoj të gjitha përpjekjet e mia për ruajtjen e sovranitetit dhe të gjithë territorit të Republikës së Serbisë, përfshirë Kosovën dhe Metohinë si pjesë përbërëse të saj."

Nga ky betim del qartë se ky luftënxitës ka si qëllim pushtimin dhe aneksimin e shtetit të pavarur të Kosovës ndonëse e di se kjo do të thotë konflikt i hapur me NATO-n që është përgjegjëse për sigurinë dhe integritetin territorial të Kosovës.

Dënoj me ashpërsinë më të madhe këtë  klithmë luftënxitëse të serbomadhit,  Aleksandër Vuçiç dhe heshtjen ndaj këtij kërcënimi të vasalit të tij në Tiranë, Edi Ramës.

Gjithashtu, paralajmeroj Putinin e Vogël Vuçiç, se në çdo rast shqiptarët do reagojnë si komb i vetëm dhe se çdo aventurë tjetër e tij do të ndëshkohet në mënyrë shembullore. sb./E.K-CNA.al





Lajmet e fundit nga