LEXO PA REKLAMA!

SHKARKO APP

Alibeaj vijon teatrin/ "Harron" Presidentin, shkon tek Investimet Strategjike

31 Maj 2022, 14:49, Politikë CNA
Alibeaj vijon teatrin/ "Harron" Presidentin, shkon tek Investimet
Deputeti i PD-së, Enkelejd Alibeaj

Deputeti i PD-së, Enkelejd Alibeaj, vijon teatrin në procesin për zgjedhjen e Presidentit.

Alibeaj, i cili mendon se është kryetar sepse e ka komanduar Gazment Bardhi, në procesin për zgjedhjen e Presidentit ka luajtur rolin e tij, duke vijuar misionin e ish-kryetarit të PD-së, për të plotësuar farsën e kryeministrit Edi Rama.

Ndërkohë që tashmë janë djegur tri raundet e para dhe Alibeaj dështoi të dërgonte një emër në Kuvend, tashmë duket se mazhoranca do ta zgjedhë e vetme kreun e ri të shtetit.

Por, ndërsa sot është mbledhur Konferenca e Kryetarëve, Alibeaj sërish është i pranishëm në mbledhje, dhe vijon "show"-n e radhës.

Por, sot ka ndodhur “çudia”. Alibeaj me sa duket ka “harruar” që Konferenca e Kryetarëve ishte mbledhur për Presidentin dhe ka “kaluar” te një tjetër çështje, ajo për Investimet Strategjike.

Ndërkohë, Alibeaj është përfshirë në debat me deputeten Felaj, e cila i ka kërkuar të flasë për çështje të rendit të ditës, por Alibeaj iu përgjigj “Moj se ç’do flas unë, e di unë. Dhe këtë do marrësh përsipër? Kërkesa jonë është për verifikimin e investimeve strategjike”.

Pra, Alibeaj kërkoi që vëmendja të përqendrohet te Ligji për Investimet Strategjike, për të cilin ai ka kërkuar edhe ngritjen e një Komisioni Hetimor Parlamentar.

Me sa duket pas denoncimeve në media, në lidhje me Ligjin për Investimet Strategjike, Alibeaj kërkon ta “ndrisë” sikurse bëri me Komisionin Hetimor për zgjedhjet e 25 prillit, që nuk u mor vesh çfarë ndodhi apo sikurse ndodhi me Komisionin Hetimor për inceneratorët, ku mazhoranca tentoi të nxjerrë një aferë, si “vepra arti”./CNA.al

Lajmet e fundit nga