E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Alibeaj bën zhurmuesin/ Cirku që e nxjerr zbuluar

31 Maj 2022, 14:33, Politikë CNA

Alibeaj bën zhurmuesin/ Cirku që e nxjerr zbuluar

Enkelejd Alibeaj

Enkelejd Alibeaj po bën zhurmuesin në mbledhjen e Konferencës së Kryetarëve për zgjedhjen e Presidentit, duke e kthyer procesin në një cirk.

Alibeaj ka këmbëngulur të flasë për një çështje tjetër, ndërkohë që Konferenca e Kryetarëve është mbledhur për caktimin e raundit të radhës për zgjedhjen e Presidentit.

Deputeti i është drejtuar me tone të larta, zëvendëskryetares së Kuvendit, Ermonela Felaj, e cila ka kërkuar që Alibeaj t’u përmbahet pikave të rendit të ditës.

Pjesë nga debati

Felaj: Nuk mund të vini mbi vendimmarrjen.

Alibeaj: Po diskutoj për rendin e ditës. Më dëgjo tani, se çfarë do të flas unë është e drejta ime.

Felaj: Kur të vijë momenti do të flisni. Na duhet të caktojmë datën e raundit të katërt.

Alibeaj: Mos më ndërhyj teksa flas se është më e rëndësishme.

Felaj: Këtë mbledhje e drejtoj unë dhe jam e detyruar të ndjek rendin. Nëse do të flasësh për pikën e parë vijoni.

Alibeaj: Moj se ç’do të flas unë, e di unë. Edhe këtë do të marrësh përsipër? Kërkesa jonë është për verifikimin e investimeve strategjike.

Felaj: Ju kujtoj që kjo mbledhje zhvillohet në prani të medias me kërkesën tuaj që lidhet me diskutimet për raundet për presidentin e Republikës.

Alibeaj: Ti vazhdo me axhendën tënde, unë time.

Felaj: Duhet t’ia kaloj fjalën Mediut.

Alibeaj: Do të ma heqësh fjalën tani?

Felaj: Nëse nuk flisni për rendin e ditës. Ju lutem bëhuni i arsyeshëm, lërini kohë që të diskutohet me seriozitet dhe të vijojmë.

Alibeaj: Ma dhe të drejtën e fjalës, ma lër ta çoj deri në fund e pastaj bëni ç’të doni.

Felaj: Të tërheq vëmendjen që të diskutojmë për thelbin e çështjeve.

Alibeaj: Vetëm ty të kam parë në këtë mesele që e di çfarë të themi ne. Nga cili planet vjen zonjë. Më lër të drejtën time për të folur për pikat e rendit të ditës. Hiqe dorën nga aty dhe më dëgjo. Je e lirë të marrësh masë e të më nxjerrësh jashtë.

Felaj: Duhet të flasësh për rendin e ditës.

Alibeaj: Ç’je ti që përcakton për çfarë të flasim.

Felaj: I lutem teknikës të të ndërpresë fjalën./ CNA.al