web counter
LEXO PA REKLAMA!

SHKARKO APP

App Store
Google Play

Presidenti/ Boçi flet për "lojën" Rama-Alibeaj: Si u tallën me një pjesë të opozitës

30 Maj 2022, 20:46, Politikë CNA
Presidenti/ Boçi flet për "lojën" Rama-Alibeaj: Si u
Deputeti i Partisë Demokratike, Luçiano Boçi

Deputeti i Partisë Demokratike, Luçiano Boçi, ka folur për atë që ai e quan ‘lojë’ të kryeministrit Edi Rama dhe Enkelejd Alibeajt për zgjedhjen e Presidentit të ri të Republikës.

Boçi tha se Alibeaj realizoi dëshirën e Ramës me djegien e raundit të tretë dhe zhvilloi një teatër tallës me një pjesë të opozitës që e ndoqi dhe u ul bashkë me të në tryezën e konsensusit.

“Ishte dëshira e Ramës që u realizua me djegien e raundit të tretë. Rama realizoi një teatër tallës me një pjesë të opozitës dhe ja ku është përfundimi. Nuk ka asnjë emër të propozuar nga opozita. Nuk ka negociata. Rama që në fillim, dhe Balla vetë ishin shprehur se nuk donin një kandidat të propozuar nga opozita pasi kishin sjellë në vëmendje shembullin e zotit Meta”, u shpreh deputeti, ndërsa tregon arsyen e kësaj loje të mazhorancës.

“Çështja ngeci mes lojës që u bë mes Ballës dhe Alibeajt dhe e mbajnë procesin në konsensus parlamentar. Normal që procedura parlamentare nuk mund ta zëvendësojë konsensusin politik. U bë një lojë, nuk po them që ishte e përllogaritur, kishte edhe miklime nga ana e mazhorancës që krijonin një pamje të rreme. Dukej qartë se ishte lojë, ne prandaj e parashikonim sepse e shikonim, nuk kemi shtënë fall. Ne themi pse e do Rama Presidentin, nuk ka kompetenca. Presidenti në fakt është një zë i fortë. Rama duke e ditur një gjë të tillë, duke pasur dhe një përvojë jo të bukur me zotin Meta kërkon të ketë një zë të heshtur, noterizues të ligjeve që ai merr pavarësisht pasojave”, theksoi më tej Boçi./ B.A. - CNA.al





Lajmet e fundit nga