web counter
LEXO PA REKLAMA!

SHKARKO APP

App Store
Google Play

E fundit!

x

Presidenti i ri, mazhoranca pritet të dërgojë në Parlament emrin e Dvoranit

30 Maj 2022, 19:16, Politikë CNA
Presidenti i ri, mazhoranca pritet të dërgojë në Parlament
Ardian Dvorani

Pas përfundimit pa sukses të tri fazave ligjore, kur duhej që presidenti i ri të zgjidhej me 84 vota, Partia Socialiste e ka rrugën e hapur për të zgjedhur në krye të shtetit kandidaturën e saj.

Gjatë tri fazave të para, mazhoranca nuk artikuloi asnjë emër konkret për postin e Kreut të Shtetit, ndryshe nga grupi i Alibeajt, që hartoi një listë me emra, të cilët nuk u konkretizuan asnjëherë, me pretendimin se mazhoranca u doli nga fjala.

Teatri mes Ballës dhe Alibeajt i dha efektet në tri raundet e para, ku çdo gjë u pa qartë dhe marrëveshja për të djegur qëllimisht raundet përfundoi me sukses.

Tashmë mazhoranca e ka rrugën e hapur. Sipas Kushtetutës, nesër pritet të mblidhet Konferenca e Kryetarëve për të caktuar datën për raundin e katërt, për të cilin socialistët i kanë votat të vetëm. CNA.al ka raportuar edhe më parë se “Asi nën mëngë” i  mazhorancës, do të jetë ish-kreu i KED, Ardian Dvorani.

Me këtë propozim Dvorani “shpërblehet” nga mazhoranca qeverisëse për mbështetjen e dhënë.

Ish-kreu i KED, Ardian Dvorani, është akuzuar nga Presidenti Meta për “shpërdorim detyre” dhe përvetësim të detyrave shtetërore.

Ndërsa Kryetari i PD-së, Sali Berisha, ka deklaruar se Dvorani është i nxirë nga korrupsioni.

Kryeministri Rama qartazi do në krye të Presidencës një anti-Meta dhe me sa duket Dvorani është kandidatura e duhur. /CNA.al 

 

 





Lajmet e fundit nga