web counter
LEXO PA REKLAMA!

SHKARKO APP

App Store
Google Play

Raundet e djegura për Presidentin/ Deputeti i PD del bllof

30 Maj 2022, 15:21, Politikë CNA

Raundet e djegura për Presidentin/ Deputeti i PD del bllof

Deputeti i Partisë Demokratike, Arbi Agalliu, në një deklaratë për mediat,  tha se në sallën e  Kuvendit për votimin e Presidentit nuk kanë qenë prezent 84 deputetë, duke e bërë seancën nul.

“Nuk kanë qenë prezent 84 deputetë gjë që do të thotë se kjo seancë të quhet nul. Nuk ka pasur 84 deputetë. Kemi kërkuar dhe nga zyrat për të marrë me shkrim, emër për emër të të gjithë deputetëve që kanë qenë në sallë sot gjatë kësaj seancë. Kjo seancë ka qenë nul, pasi kërkohen 84 deputetë. Nuk ka qenë kuorumi i nevojshëm.’- tha Agalliu.

Por sipas nenit 109 të Kushtetutës,  votimi quhet i kryer edhe kur në konkurim nuk paraqitet asnjë kandidat. Kur çelet votimi, për çfarëdolloj çështje duhet kuorumi prej 71 deputetësh, përndryshe  kryetari duhet të shtyjë votimin derisa të mblidhen të paktën 71 deputetë.

Edhe nëse do të kishte votim, kuorumi për vlefshmërinë e seancës nuk bëhet 84. Kuorumi për nisje votimi, është gjithmonë 71, pra shumicë e thjeshtë.

Nuk kuptohet çfarë kuorumi kërkon Agalliu kur ky raund rregullohet nga neni 109 dhe ishte një raund pa kandidat.

Duhet të kujtojmë se jemi në kushtet kur: "Votimi quhet i kryer edhe kur në konkurim nuk paraqitet asnje kandidat".

Gjithashtu duhet dalluar se ka kuorum per nisje votimi, më 71 deputetë.

Rregullorja thotë: "Aktet e Kuvendit konsiderohen të miratuara kur për to kanë votuar “pro” shumica e

deputetëve të pranishëm, me përjashtim të rastit kur kërkohet shumicë e cilësuar, sipas parashikimit

në Kushtetutë ose në ligj."

Që do të thotë kur nis votimi për çdo çështje duhen jo më pak se 71 deputetë.

Vendimmarrja mund të arrihet me më pak se 71 deputetë. Ndërsa, kur kërkohet shumicë e cilësuar, duhen më shumë se 71, sipas parashikimit të ligjit të posaçëm./CNA.al





Lajmet e fundit nga