web counter
LEXO PA REKLAMA!

SHKARKO APP

App Store
Google Play

E fundit!

x

Simon Miraka zbulon ‘prapaskenat’/ Si u përpoq Alibeaj të ndalonte kandidimin tim në Autoritetin e Dosjeve

30 Maj 2022, 18:44, Politikë CNA
Simon Miraka zbulon ‘prapaskenat’/ Si u përpoq Alibeaj të
Simon Miraka

Simon Miraka ka zbuluar sot përpjekjen e deputetit Enkelejd Alibeaj për të ndaluar kandidimin e tij si anëtar i Autoritetit të Dosjeve.

Miraka tha në emisionin “Task Force” se ditën që ai kishte shkuar të mblidhte firmat në Parlament, Alibeaj u kërkoi deputetëve të mos pranonin.

Ai theksoi se pavarësisht përpjekjes së Alibeajt për të ndaluar kandidimin e tij, deputetët plotësuan firmat që Mirakës i duheshin për t'u bërë kandidat.

"Unë kontaktova me shumë nga deputetët dhe të gjithë më premtuan se e kemi për nder të firmosim për ty. Dhe një ditë po prisja jashtë Parlamentit deputetin që më kishte premtuar firmat. Ai erdhi më takoi dhe ndërhyri Alibeaj dhe tha që mos i mblidhni firmat për zotin Miraka. Me thënë të drejtën, u ndjeva edhe keq. Nuk e zgjata shumë. Kur një pjesë e deputetëve e kishin dëgjuar dhe e kishin firmosur”, nënvizoi ish-i persekutuari politik.

Ndërkohë, kujtojmë se sot me shumicë votash, Kuvendi vendosi të rrëzojë kandidaturën e Simon Mirakajt si anëtar i Autoritetit për të Drejtën e Informimit mbi Dokumentet e ish-Sigurimit të Shtetit./ CNA.al





Lajmet e fundit nga