web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për Kryesinë e PD-së/ Baçi: Votim transparent dhe demokratik, si asnjëherë më parë

30 Maj 2022, 19:55, Politikë CNA
Zgjedhjet për Kryesinë e PD-së/ Baçi: Votim transparent
Deputeti i PD-së, Luan Baçi

Deputeti i Partisë Demokratike, Luan Baçi, ka komentuar situatën e fundit në selinë blu dhe zgjedhjet që janë mbajtur për Kryesinë e re.

Për këto të fundit, Baçi tha se ishte një votim si asnjëherë më parë, transparent dhe demokratik.

"Numërimi i votave ishte online, në ekran, i dukshëm për të gjithë kandidatët. Të jesh anëtar i Kryesisë së PD nuk është vetëm privilegj, por përgjegjësi e madhe", tha Baçi.

 

Më tej, ai deklaroi se hapja e PD-së nuk është te numri që mund të kenë institucionet e partisë.

"Numri i madh i anëtarëve nuk tregon hapjen e PD, sepse e pamë 8 vite. Anëtarësime pa kriter, gjithandej.

Çdo njeri mbushte fletën se jam anëtar i PD, por s'bënin asnjë aktivitet në PD.

Nuk e quaj hapje të PD numrin e madh të anëtarëve në Kuvend. PD-ja është një, e të gjithëve", -u shpreh Baçi.

Më tej ai tha se Alibeaj vazhdon të luajë lojën e Edi Ramës.

“E pamë me qëndrimin e tyre për zotin Miraka. Alibeaj u ka dhënë urdhër atyre 5 deputetëve që mos të firmosin për zotin Miraka.

Berisha e ka firmosur, se është deputet si gjithë të tjerët, tani është dhe kryetar i Partisë Demokratike”, -tha Baçi./E.K-CNA.al





Lajmet e fundit nga