web counter
LEXO PA REKLAMA!

SHKARKO APP

App Store
Google Play

Deputeti socialist i del kundër Ramës/ “President mund të zgjidhet edhe një deputet i PS-së”

30 Maj 2022, 19:32, Politikë CNA
Deputeti socialist i del kundër Ramës/ “President mund të
Edi Rama

Kryeministri Edi Rama ka deklaruar se Presidenti i ri i Republikës nuk do të jetë nga grupi parlamentar i PS-së, por duket se Arben Pëllumbi nuk është i këtij mendimi.

Ndryshe nga Rama deputeti socialist tha se në këtë fazë të procesit Presidenti i ri mund të gjendet edhe brenda radhëve të grupit parlamentar socialist.

 “Ajo që do të ndodhë është që ne do t’i rikthehemi procesit që nisëm. Pra, ne e nisëm duke mbledhur emra nga Grupi Parlamentar dhe qytetarët përmes adresës elektronike. Ne do të fillojmë prapë procesin brenda vetes sonë për të gjetur emrat konkretë. Sigurisht që pjesa më e rëndësishme do të zhvillohet në Grupin Socialist Parlamentar. Me siguri do të kemi një mbledhje Kryesie të PS dhe më pas Konferenca e Kryetarëve do të vendosë për raundin e radhës.

Secili nga ne është i lirë për të diskutuar dhe propozuar në Grup dhe në Kryesi që do të japë edhe verdiktin final. Brenda deputetëve socialistë ka pasur qëndrime të ndryshme sa i përket kushtit që kandidati nuk duhet të jetë një nga deputetët. Ky kusht u vendos meqenëse u ftua opozita në bashkëbisedim dhe nuk donim që të paragjykohej mazhoranca sikur do të zgjidhte një nga deputetët. Mendoj që tani çdo mundësi hapet. Megjithatë, opozita mund të propozojë ende edhe në raundin e katërt, mjafton ta propozojnë 20 firma deputetësh”, deklaroi ai në një dalje për mediat./E.T-CNA.al





Lajmet e fundit nga