web counter
LEXO PA REKLAMA!

SHKARKO APP

App Store
Google Play

Loja me presidentin/ Mazhoranca pritet ta zgjedhë emrin e ri në raundin e katërt

30 Maj 2022, 19:37, Politikë CNA
Loja me presidentin/ Mazhoranca pritet ta zgjedhë emrin e ri në
Presidenca

Loja me zgjedhjen e presidentit të ri pritet që të marrë fund në raundin e katërt.

Pas ezaurimit të tri të parave, duket se mazhoranca do të vijojë e vetme me procedurat.

Deputeti socialist, Petro Koçi, është shprehur optimist në zgjedhjen e kreut të ri të shtetit deri në raundin e katërt.

Koçi tha në një intervistë se opozitës iu dhanë shanse të barabarta për të propozuar emra të denjë për President.

“Marrëveshjet janë vetëm respekt procedure, PS ka qenë e hapur, kemi dhënë shanse të barabarta për këdo që synonte të bënte propozim të përshtatshëm, por emrat duhet të kenë edhe mbështetjen me firma të deputetëve. Deri tani kjo provë nuk u dha.

Megjithatë, edhe në raundin e katërt opozita mund të bëjë propozime, por sidoqoftë ne jemi të vendosur për ta zgjedhur presidentin edhe pse jo deri në raundin e katërt”, tha Koçi.

Petro Koçi shtoi se nëse i gjithë ky proces do të ishte teatër, do të ishte i organizuar nga vetë opoizta.

Deputeti socialist i Fierit theksoi edhe problematikat që Partia Demokratike ka brenda saj.

“Nëse do të ishte teatër do të ishte i organizuar nga opozita, por nuk e besoj. Opozika ka vështirësi brenda saj. Sidoqoftë PD është e ndarë në dy pjesë dhe secila nga palët, nëse do të përfshihej në proces do të akuzohej si tradhtare nga pala tjetër.

Besoj se do të kemi një President ose Presidente, por kësaj radhe mazhoranca ka të drejtën e plotë për të zgjedhur pastaj do të shpohim nëse do të ketë mbështetje nga opozita dhe shpresojmë të mbështetet nga të gjithë”, përfundoi Koçi./E.K-CNA.al





Lajmet e fundit nga