web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Milo: E vështirë të shohësh dritë, çelësi mbetet në Sofje

30 Maj 2022, 22:06, Politikë CNA
Integrimi në BE/ Milo: E vështirë të shohësh
Ish-ministri i Jashtëm, Paskal Milo

Ish-ministri i Jashtëm, Paskal Milo, ka folur mbrëmjen e sotme për integrimin e Shqipërisë në Bashkimin Europian.

Milo tha se është e vështirë të shohësh dritë në fund të tunelit, pasi theksoi se çelësi i zgjidhjes së krizës mbetet në Sofje, e cila pritet që në qershor të japë pëlqimin për fillimin e negociatave me Shkupin.

“E vështirë të shohësh dritë në fund të tunelit sepse gjithë çelësi i zgjidhjes së krizës mbetet në Sofje. Në momentin që Sofje dhe Shkupi ulen në tavolinë për negociata atëherë rruga është e hapur, nëse nuk ndodh edhe në këto 2-3 javë në dispozicion do të kemi ngrirje dhe çështja do të mbetet në vjeshtë për zhvillime të reja”, theksoi ai në "MCN".

Teksa u pyet se çfarë duhet të presim nga ai që quhet plani i punës së Presidencës Shqiptare në Këshillin e Sigurimit, ish-ministri deklaroi se do të ecet me ato që tema që janë parashikuar.

“Ky plan pune është afishuar, ka risi, ka tematika të karakterit social siç janë çështjet e gruas që do të jetë në një nga seancat në diskutim në këshillin e sigurimit, por ka edhe problematika të mëdha që do t'i udhëheqë në seancën e nesërme kryeministri, një diskutim i karakterit të përgjithshëm, pastaj në seancat e tjera do të jetë ministrja e jashtme që do të drejtojë seancat dhe pastaj edhe ambasadori Ferit Hoxha për të udhëhequr debate të tjera. Një muaj është dhe nuk pritet të ketë tema të mëdha, të shpresojmë mos të ketë kriza të mëdha, prandaj ato që janë parashikuar në drejtim të Shqipërisë me ato do të ecet në këtë drejtim”, nënvizoi Milo./ CNA.al





Lajmet e fundit nga