E fundit!

13:44 Aktualitet

“Në emër të protestës”/ Tallje me flamurin shqiptar, anarkistët e zëvendësojnë me flamingon

Një grup me pikëpamje neomarksiste dhe anarkiste ka shkuar...

Zgjedhja e Presidentit/ Bumçi: Njerëz me mandatin e deputetit u keqpërdorën nga Rama

31 Maj 2022, 19:18, Politikë CNA

Zgjedhja e Presidentit/ Bumçi: Njerëz me mandatin e deputetit u

Aldo Bumçi

Anëtari i Kryesisë së PD-së, Aldo Bumçi, ka deklaruar se mazhoranca do të zgjedhë presidentin me votat e saj në raundin e radhës, duke mos humbur asnjë minutë kohë. I ftuar në "Task Force" në "SYRI TV" me gazetaren Sonila Meço, Z. Bumçi u shpreh se lidhur me procesin e zgjedhjes së Presidentit, një grup deputetësh u keqpërdorën nga kryeministri Rama, dhe se uron që ta kuptojnë se kjo linjë nuk i shërben asnjë të mirë dhe kanë mundësinë që të kthehen në përfaqësues të atyre që i kanë votuar.

"Jemi një republikë që ka shkatërruar çdo balancë pushtetesh. Jemi një republikë tërësisht e kapur pa asnjë kontroll dhe balancim pushtetesh, që është thelbi i demokracisë dhe nuk ka iluzione se Rama donte ta normalizonte situatën dhe këtë vend, por ai si kryeministër shkon drejt kapjes së gjithçkaje siç e tregoi edhe me kapjen e Federatës së Futbollit, dhe problemi më i vogël është se një pjesë e deputetëve që veprojnë jashtë vullnetit të opozitës në terren janë individë në parlament, por nuk kanë tagër përfaqësimi. Janë numrat që përcaktojnë nëse ke tagër apo jo. Ku është sot opozita e ka treguar në katër procese, tri procese partiake dhe në 6 mars kur dolën dhe votuesit.

Ne sot kemi më shumë fuqi se kurrë. Sot jemi gjallë dhe të vërtetë. Sot ka një opozitë dhe kjo u ngrit në një hark shtatë mujor nga hiri i shtatorit dhe nuk kishte një projekt që mos të kishte një opozitë pasi ai projekt falë demokratëve u gris dhe sot ka një opozitë të vërtetë.

Ne jemi gati të përballemi në zgjedhjet lokale dhe forca do të tregohet në zgjedhjet lokale. Protesta është pjesë e një aksioni opozitar.

Problemi është Rama. Njerëz të cilët kanë mandatin e deputetit, por nuk përfaqësojnë njeri nëse vazhdojnë kështu. U keqpërdorën nga Rama dhe shpresoj që të kuptojnë se kjo linjë nuk i shërben asnjë të mirë dhe kanë mundësinë që të kthehen në përfaqësues të atyre që i kanë votuar", tha Bumçi./CNA.al