web counter
LEXO PA REKLAMA!

SHKARKO APP

App Store
Google Play

Pasojat e luftës Rusi - Ukrainë/ Majlinda Bregu tregon rrugën që të çon përpara

31 Maj 2022, 20:57, Politikë CNA
Pasojat e luftës Rusi - Ukrainë/ Majlinda Bregu tregon rrugën
Sekretarja e Këshillit të Bashkëpunimit Rajonal (RCC), Majlinda Bregu

Sekretarja e Këshillit të Bashkëpunimit Rajonal (RCC), Majlinda Bregu, ka folur për ndikimin e luftës Rusi-Ukrainë në jetesën e shqiptarëve.

“Realitetet tona sot janë krejtësisht të ndryshme, për shkak të luftës në Ukrainë që dërgoi valë tronditëse deri te ne dhe përkeqësoi dy tendenca, që ishin në zhvillim: ngadalësimin e rritjes dhe inflacionit. Për ilustrim, çmimet e ushqimeve dhe pijeve u rritën midis 7% në Shqipëri dhe 13% në Serbi. Inflacioni i përgjithshëm parashikohet të arrijë në 6.3% në vitin 2022. Por krahas inflacionit dhe çmimeve më të larta të energjisë dhe ushqimeve, ndikimi ekonomik ndihet edhe nëpërmjet ndërprerjes në zinxhirët e furnizimit, tregtisë, investimeve, flukseve financiare dhe turistike dhe pasigurive të investitorëve”, tha Bregu në Kongresin e Partive Popullore Europiane (EPP) sot në Roterdam.

Teksa u ndal te varësia e Ballkanit Perëndimor nga Rusia dhe Ukraina në tregtinë e mallrave, ajo deklaroi se lufta ka sjellë rreziqe negative të komplikuara.

“Pra, diagnostikimi është i qartë dhe nuk është i mirë: Ka rreziqe negative të komplikuara dhe lufta, ushqimi, energjia, inflacioni… të cilat më bëjnë të mendoj me zë të lartë: nëse shpaloset plotësisht ky skenar krize duke u ndjekur nga çështjet dypalëshe, përshkallëzimi i toneve gjatë zgjedhjeve apo vonimi i hapjes së bisedimeve të anëtarësimit në BE do të krijojë një densitet të tillë rreziqesh duke e bërë terrenin ideal që nacionalizmi ekonomik dhe politik të zërë rrënjë dhe të lulëzojë”, shtoi ajo.

Sekretarja e Këshillit të Bashkëpunimit Rajonal theksoi se bashkëpunimi rajonal është kompleks dhe i vështirë, por është rruga e duhur për të ecur përpara.

“Ndryshimet do të kërkojnë kohë. Të gjithë ne do të kemi nevojë për një koordinim të fortë, reforma afatgjata si dhe një qasje të njëjtë në politikëbërje që mund të adresojnë sfidat komplekse e të ndërlidhura si dhe të balancojnë kompromiset mes qëllimeve ekonomike, sociale dhe mjedisore. Bashkëpunimi rajonal është kompleks dhe i vështirë, por është rruga e duhur për të ecur përpara”, përfundoi Bregu./ B.A. – CNA.al





Lajmet e fundit nga