web counter
LEXO PA REKLAMA!

SHKARKO APP

App Store
Google Play

E fundit!

x

Harxhi flet për fushatën me Bujar Nishanin/ “Nuk ndalej, për dy javë bëmë 6 mijë kilometra”

31 Maj 2022, 22:54, Politikë CNA
Harxhi flet për fushatën me Bujar Nishanin/ “Nuk ndalej,
Bujar Nishani dhe Edith Harxhi

Ish-kandidatja për kreun e Partisë Demokratike, Edit Harxhi, ka folur për ndarjen nga jeta të mikut të saj, ish-Presidentit Bujar Nishani.

Harxhi foli në emisionin “Top Story” për komplikacionet shëndetësore që Nishanit i morën jetën.

“Kaloi një komplikacion pas dy pneumonish, për një periudhë të shkurtër u shtrua në sanatorium, pastaj në një nga spitalet me të mira në Europë, në Berlin. Situata u vështirësua ditët e fundit. Gjithë shërbimi që ka qenë në Gjermani ishte për qetësimin e mushkërive, që ishin përkeqësuar. U trajtua më pas për një sëmundje autoimune, që rezultoi fatale. Që pas pneumonisë së parë, nuk kam komunikuar me të, por kam qenë në kontakt me familjen”, u shpreh ajo.

Gjithashtu, anëtarja e kryesisë së Partisë Demokratike kujtoi mbështetjen që Nishani i dha gjatë fushatës kur ajo kandidonte për drejtimin e Partisë Demokratike.

“Kam qenë e afërt për shumë vite, dhe me familjen e tij. Gjithçka u rikthye vetë me mbështetjen që Nishani më dha për të kandiduar për kreun e PD-së. Erdhi për të bashkëpunuar, për të ndihmuar partinë. Basha ia kishte kërkuar disa herë kthimin, Nishani kishte qenë i tërhequr, erdhi kur mendoi se ne duhet të dilnim dhe të sfidonim atë që po ndodhte në PD.  

Më kujtohet ajo periudha dyjavore e fushatës, që as fushatë nuk quhet. U kthyem nga Saranda në datën 30, dhe në 31 shkuam në Tropojë. Për dy javë kemi bërë 6.000 km. Është e lodhshme, por ai nuk ndalej. Ai e kuptonte që koha e Bashës kishte mbaruar, dhe krahas vullnetit për të më mbështetur mua, i shtohej dhe dëshira për të larguar Bashën”, theksoi Harxhi./ B.A. - CNA.al





Lajmet e fundit nga