web counter
LEXO PA REKLAMA!

SHKARKO APP

E fundit!

x

Ironia e Mentor Kikias/ 10 kritere të reja për Presidentin!

1 Qershor 2022, 15:50, Politikë CNA
Ironia e Mentor Kikias/ 10 kritere të reja për Presidentin!
Gazetari Mentor Kikia

Gazetari Mentor Kikia ka ironizuar mazhorancën dhe grupin e Enkelejd Alibeajt për çështjen e zgjedhjes së Presidentit të ri.

Me anë të një statusi në rrjetet sociale, Kikia deklaron se në seancën e fundit, ndryshuan edhe kriteret për Presidentin e ri.

“10 kritere të reja për Presidentin!

Në seancën e fundit për zgjedhjen e Presidentit, ndryshojnë edhe kriteret. Këto janë të rejat:

1-Të mos jetë si Ilir Meta;

2-Të mos ngatërrohet në punët e qeverisë dhe të Parlamentit;

3-Të shkojë në kishë për Krishtlindje;

4-Të shkojë në xhami për Bajram;

5-Të shkojë tek babai i teqesë ditën e Hashures;

6-Të shtrojë pritje për 28 Nëntor (dëshmorët t’i nderoje në 29);

7-Të postojë në fb foto vetëm me peisazhe natyrore;

8-Të japë vetëm mesazhe për paqe dhe dashuri, të të gjitha formave, si mes burrave dhe grave, ashtu edhe mes grave me gra dhe burrave me burra;

9-Të dojë kafshët dhe pemët;

10-Të japë shembullin personal, duke larë duart çdo ditë, dhe trupin çdo javë”, shkruan gazetari./ B.A. - CNA.al





Lajmet e fundit nga