LEXO PA REKLAMA!

SHKARKO APP

E fundit!

x

Pse është “tërbuar” Evi Kokalari?

1 Qershor 2022, 14:30, Politikë CNA
Pse është “tërbuar” Evi Kokalari?
Evi Kokalari duke hyrë në Kuvendin Kombëtar të PD

Ka disa ditë që Evi Kokalari është hedhur në një sulm ndaj të rinjve të FRPD-së dhe kreut të zgjedhur të këtij Forumi, Belind Këlliçi.

Zonja Kokalari duket se ka krejtësisht një agjendë personale dhe qëllimi i saj është zgjedhja në detyrën e Sekretarit të Përgjithshëm, ndoshta të zotit Noka apo zotit Imami. E për këtë arsye po sulmon të rinjtë e FRPD-së dhe Belind Këlliçin.

Me akuza të pavërteta, diku edhe me shpifje dhe fyerje, Kokalari është hedhur në sulm.

Po, çfarë e ka “tërbuar” Evi Kokalarin?

Në fakt, në fillim u duk sikur vinte si një përfaqësuese e republikanëve amerikanë. Por, shpeshherë mori disa “shpulla” prej tyre. CNA.al ka të dhëna edhe në lidhje me një përplasje me ish-ambasadorin Grenell. Kjo për shkak të një biznesmeni në Tiranë, ndaj të cilit Evi Kokalari mblodhi të dhëna, e sulmoi një herë dhe më pas heshti.

Por, gjithësesi qëndrimi i republikanëve, sipas informacioneve që ka CNA.al, do të bëhet publike në ditët në vijim, ku një grup prej tyre, të njohur si miqtë e saj, pritet të distancohen nga agjenda që ajo ka pasur në Tiranë dhe qëndrimet e saj publike.

Le t’i kthehemi “tërbimit” të saj.

Zonja Kokalari erdhi e kontribuoi për Partinë Demokratike dhe kjo është një diçka pozitive.

Por, më pas iu hapën “orekset”. E ngelur pa punë ndoshta në New York, kërkoi të bëhej nënkryetare e Partisë Demokratike. Sali Berisha pasi e njohu nga afër, duket se nuk i ofroi më asgjë dhe demokratët e njohën çfarë ishte dhe çfarë kapacitetesh mund të sillte.

Nuk mjaftonte direksioni amerikan, për të qenë pjesë e drejtimit të Partisë Demokratike. Dhe Kokalari, disa ditë më parë njoftoi largimin e saj.

Edhe pse tha se “misioni im mbaroi”, edhe pse përshëndeti zgjedhjen e Kryesisë, edhe pse përshëndeti zgjedhjen e Këshillit Kombëtar, zonja Kokalari u kthye në rrjetet sociale dhe po përdor sërish axhendën e saj personale, me shpresë se mund të kapë nëpërmjet dikujt poste në Partinë Demokratike, të cilat mendon se mund t’i përdorë për interesat e saj. Asgjë më shumë sesa kaq.

Nuk u bë dot nënkryetare. Tashmë ka mësuar se personalitete të njohura në SHBA do të distancohen nga agjenda dhe qëndrimet e saj. Tani po “vërsulet” të kapë ç’të kapë në Partinë Demokratike, pasi e kuptoi se askush nuk e voton, askush nuk e zgjedh. Dhe për këtë arsye ka zgjedhur që të sulmojë të rinjtë. Ka zgjedhur të sulmojë Belind Këlliçin, thjeshtë dhe vetëm të qëndrojë në vëmendje të tregut politik shqiptar.

Në fakt, Evi Kokalari ndoshta e ngelur pa punë në SHBA nuk u bë dot nënkryetare e PD-së.

Përshëndeti Kuvendin, përshëndeti Këshillin Kombëtar, përshëndeti Kryesinë dhe tani del se na qenkan manipuluar, thjeshtë dhe vetëm për të vënë në krye të strukturave emrat që ajo do.

Por, tashmë ndodhet e braktisur, e vetmuar, pa mbështetje e pa vota. Dhe ndërkohë pritet edhe deklarata e fortë nga SHBA-ja prej miqve të saj, që ajo pretendon se ka agjendën e tyre në Tiranë, në ditët në vijim edhe cila do të jetë dhe “bomba” e fundit mbi Kokalarin për të mbyllur ciklin e saj politik në Shqipëri, me një qasje pseudo-konservatore dhe në fakt me asnjë akt të tillë.

Me një agjendë personale, thjeshtë dhe vetëm për të gjetur një punë në Tiranë, tashmë ndoshta e papunë edhe në New York./CNA.al

 

Lajmet e fundit nga