web counter
LEXO PA REKLAMA!

SHKARKO APP

App Store
Google Play

Zgjedhja e presidentit/ Patozi: Rama do e nxjerrë emrin në momentin e fundit, veprim i pritshëm

1 Qershor 2022, 19:58, Politikë CNA

 

Zgjedhja e presidentit/ Patozi: Rama do e nxjerrë emrin në momentin e
Astrit Patozi

 

Kreu i Partisë Bindja Demokratike, Astrit Patozi komentoi zhvillimet politike për sa i përket qeverisë dhe opozitës në lidhje me zgjedhjen e Kreut të ri të shtetit.

Në një intervistë për media, Patozi tha se nxjerrja e emrit në momentet e fundit ishte një veprim i pritshëm nga kryeministri Rama.

“Mendoj se në rast se Edi Rama ka dashur të na bindi që është qendra e gjithçkaje, është lodhur kot. E kemi ditur që ai është. Opozita është në një gjendje të mjeruar, prap se prap nuk kishim nevojë për procesin e presidentin për ta ditur. Mendoj që dalja e emrin tè presidentit në çastin e fundit është fyese edhe për socialistët të cilët po presin avionin për ta shpallur atë.”

Më tej Patozi shtoi se në gjendjen që ndodhet sot opozita e vendit Rama nuk ka patur nevojë ta mbaj të fshehur.

Kreu i BD tha se pavarësisht se nuk mund të kishte kompromis, opozita e humbi shansin të tregonte seriozitetin e saj.

“Ishte e pamundur për të pasur një kompromis. Opozita humbi një shans për të treguar që është serioze. Edhe pse e ndarë opozita mund të tregonte që ka në kokë një profil të dinjitetshëm por e humbën këtë mundëisi. Në finale ne do të kemi nje President të zgjedhur nga njëra palë të nxjerrë në castin e fundit “

Për sa i përket Partisë Demokratike, Patozi tha se është pikërisht vendimi që do të japë Gjykata e Apelit ai që do të vendosë për fatin e saj.

“PD varet nga humori I drejtesise që do të japë Gjykata e Apelit dhe gjithcka varet rreth asaj Të gjithë e dinë kush e ka PD. Vetëm çështja e vulës pritet me interes.” u shpreh ai./E.K-CNA.al





Lajmet e fundit nga