web counter
LEXO PA REKLAMA!

SHKARKO APP

App Store
Google Play

E fundit!

x

Ish-ambasadori Rajerson mesazh të fortë politikës shqiptare/ Ka ardhur koha që…

1 Qershor 2022, 22:31, Politikë CNA
Ish-ambasadori Rajerson mesazh të fortë politikës shqiptare/ Ka
Ish-ambasadori i parë i SHBA në Shqipëri, Uilliam Rajerson

Ish-ambasadori i parë i SHBA në Shqipëri pas rënies së komunizmit, Uilliam Rajerson, ka dhënë një mesazh të fortë për politikën shqiptare.

Rajerson tha se Shqipëria ka kryer punën e vështirë dhe të nevojshme për të hyrë në Bashkimin European. Ai deklaroi se pas 31 vitesh ka ardhur koha që përsëri për ndryshim.

Ish-ambasadori theksoi se brezi i vjetër duhet t’i hapë rrugën një brezi të ri udhëheqësish për ta çliruar Shqipërinë nga fantazmat e tmerrshme të të kaluarës dhe për ta çuar vendin drejt të ardhmes.

“Ndërsa po i afrohemi, këtë muaj, një tjetër përvjetori të vizitës së Sekretarit Baker në Tiranë, kam reflektuar për zhvillimet në Shqipëri gjatë këtyre 31 viteve në vijim. Armiqësia zyrtare ndaj SHBA-së aq e dukshme më parë, ishte fshirë e zëvendësuar me miqësinë e ripërtërirë mes Shteteve të Bashkuara dhe Shqipërisë, e cila vetëm është forcuar nga viti në vit.

Që atëhere, Shqipëria i është bashkuar NATO-s, ulet afër Shteteve të Bashkuara në Këshillin e Sigurimit të OKB-së, dhe ka kryer punën e vështirë dhe të nevojshme për të hyrë në Bashkimin European. Tani, pas 31 vitesh, është e qartë se një brez i ri shqiptarësh është gati dhe i etur për të shkruar kapitullin e ri të historisë së Shqipërisë.

Më jep zemër që këta të rinj e kuptojnë se Ëashingtoni mbështet fuqimisht përparimin drejt promovimit të të drejtave por edhe të përgjegjësive që priten nga vendet anëtare të NATO-s dhe BE-së, forcimin e pushtetit të ligjit, dhe eliminimin e korrupsionit.

Koha ka ardhur përsëri për ndryshim. Ashtu si ishim me ndryshim-bërësit e vitit 1991, unë dhe miqtë e tjerë amerikanë të Shqipërisë jemi tani me këtë brez ndryshim-bërësish.

Ka ardhur koha që brezi i vjetër t’ia hapë rrugën një brezi të ri udhëheqësish për ta çliruar Shqipërinë nga fantazmat e tmerrshme të të kaluarës dhe për ta çuar vendin drejt të ardhmes. U uroj atyre çdo sukses, ndërsa udhëheqin përpara vendin me të cilin rashë në dashuri”, nënvizoi Uilliam Rajerson./ B.A. - CNA.al





Lajmet e fundit nga