“Lajthit” Kokalari/ Pse ka nëntë të rinj më shumë në Këshillin Kombëtar të PD?
2 Qershor 2022, 15:07, PolitikëCNA
Deputeti Belind Kellici dhe aktivistja Evi Kokalari
Aktivistja Evi Kokalari, ka dalë me një qëndrim publik, në lidhje me zgjedhjen e anëtarëve të Këshillit Kombëtar të PD, megjithëse është askush në Partinë Demokratike.
Pasi nuk gjeti dot pune në selinë e PD-së dhe nuk u bë nënkryetare e kësaj partie, tashmë duket se Kokalari inatin e ka me të rinjtë. Dhe kërkon llogari dikush që s’ka asnjë të drejtë.
Në një postim në rrjetet sociale, Kokalari kërkon llogari se pse FRPD, ka nëntë të rinj më shumë në Këshillin Kombëtar.
Po, çfarë të kishte, nëntë Gazment Bardhra apo nëntë Edvin Kullurë?
Meqë të rinjtë nuk i do Evi Kokalari, na duheshin ca "konservatorë" tip Kulluri që të ishte Këshilli më i mirë.
Se nuk ka hallin e Bylykbashit, as Shehajt, por do Arben Imamin Sekretar të Përgjithshëm, që nuk e votuan as për Kryesi.
Më poshtë postimi i plotë i Kokalarit:
Ftesë Belind Këlliçit për transparencë.
Vota është e shenjtë dhe duhet mbrojtur me çdo kusht, ndryshe demokracia nuk mbijeton!!
Kuota e pjesëmarrjes të anëtarëve të Forumit Rinor në Këshillin Kombëtar është 15% ose 22 veta. Duke hequr Belindin që është automatikisht i futur si deputet, ngelen 21 veta.
Këtë shifër ma ka konfirmuar vetë Belindi.
Nga një analizë e thjeshtë të listës së fituesve, rezulton se në Këshill kanë hyrë gjithsej 30 anëtarë të Forumit Rinor, domethëne 9 mbi kuotë e kërkuar me statut.
Ftoj Belind Këlliçin, që për hir të trasparencës, të lëshoj një deklaratë të noterizuar që vërteton se këta 9 vetë mbi kuotë, janë futur me votë (dhe nëse është votë e lobuar s'ka problem për momentin), dhe nuk janë përzgjedhur nga Belindi vetë për të plotësuar, tejkaluar apo manipuluar zgjedhjet nëpërmjet kuotës që mbrohet me statut të Partisë.
Logjikisht, nëse kemi 9 veta mbi kuotë, kjo do të thotë që të gjithë, pra 30 të rinjtë, janë futur me meritokraci.
Kjo trasparencë, është mëse e nevojshme përpara zgjedhjeve të së Premtes, sepse ky është një informacion që duhet ta disponoj çdo anëtar i Kryesisë që ka të drejtë vote nesër.
