web counter
LEXO PA REKLAMA!

SHKARKO APP

App Store
Google Play

Berisha në krye të PD-së/ Ambasadori Italian: Vendos vota, ndërkombëtarët të mos ndërhynë

2 Qershor 2022, 09:38, Politikë CNA
Berisha në krye të PD-së/ Ambasadori Italian: Vendos vota,
Ambasadori italian, Fabrizio Bucci

Ambasadori italian Fabrizio Bucci është shprehur se ndërkombëtarët nuk duhet të ndërhyjnë në rikthimin e Sali Berishës në krye të Partisë Demokratike.

Ai tha për “Mirëmëngjes” në Euroneës Albania se janë votuesit ata që vendosin se kush do të jetë lideri i tyre, sidoqoftë nuk nguroi të sugjeronte se duheshin marrë në konsideratë politikanët e rinj.

“Ne nuk mund të ndërhyjmë, ne si Itali, ne si ndërkombëtarë mendoj, se është mjaft delikate të ndërhysh në dinamikat e brendshme të një partie. Ajo që mund të them, nga një këndvështrim më i përgjithshëm sa i takon opozitës, është se në gjirin e saj ka mjaft politikanë të rinj, të zotë, të aftë, mendoj se ky është pikërisht momenti kur të shohim drejt së ardhmes,” – u shpreh ambasadori.

Në fund të përgjigjes së tij Bucci solli në vëmendje dhe një shprehje të Alcide de Gasperi që ka qenë një ndër kryeministrat e shquar të Italisë.

“Politikanët mendojnë gjithmonë për zgjedhjet e ardhshme. Burrat e shtetit mendojnë për brezat e ardhshëm”.-tha Fabrizio Bucci./CNA.al





Lajmet e fundit nga