web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e Kreut të Shtetit/ Bozdo: ‘Lojë’ e Ramës, nuk do President konsensual

2 Qershor 2022, 20:40, Politikë CNA
Zgjedhja e Kreut të Shtetit/ Bozdo: ‘Lojë’ e Ramës,
Anëtari i Kryesisë së Partisë Demokratike, Enno Bozdo

Anëtari i Kryesisë së Partisë Demokratike, Enno Bozdo, ka hedhur akuza ndaj kryeministrit Edi Rama, teksa ka folur për zgjedhjen e Presidentit të ri.

Bozdo e cilësoi të gjithë procesin e negociatave një “lojë”, ndërsa ngriti akuzat se kreu i qeverisë përdori deputetët për të djegur mandatet.

Sipas tij, Rama nuk ka dashur një President vërtet konsensual, por një President të tijin.

“Rama përdori 4-5 deputetë, “luajti” me ta dhe i nxori nga dera, vetëm e vetëm për të djegur 3 raundet e para, kjo ka qenë e qartë që në fillim. Rama nuk ka dashur një President vërtet konsensual, por një President të tij. Ai këmbëngul se do të marrë më shumë se 71 vota, por unë mendoj se për Shqipërinë është një shans i humbur, që edhe institucioni i fundit i pavarur do të bjerë”, u shpreh ai në “Debat”.

Anëtari i Kryesisë së demokratëve theksoi se edhe nëse PS mbledh të gjitha votat e partive të tjera opozitare, pa miratimin e PD-së Presidenti nuk do të jetë konsensual.

“Nuk ka për të qenë ndonjëherë konsensual nëse PD-ja reale nuk jep konsensus. Edhe sikur të kalohen 95 vota, nëse PD-ja thotë që ky President nuk është imi, nuk është konsensual. Vetëm zoti Moisiu ka qenë President konsensual”, nënvizoi Bozdo./ B.A. – CNA.al





Lajmet e fundit nga