LEXO PA REKLAMA!

SHKARKO APP

E fundit!

x

“Dvorani dhe Bregu i plotësojnë kushtet për president”/ Klosi zbulon çfarë do të ndodhë nesër

2 Qershor 2022, 21:25, Politikë CNA
“Dvorani dhe Bregu i plotësojnë kushtet për
Blendi Klosi

Sekretari Organizativ në Partinë Socialiste, Bledi Klosi, ka folur për procesin e zgjedhjes së emrit të ri për President të Republikës.

Klosi në një intervistë deklaroi se nesër do të ketë një debat të brendshëm mes deputetëve të mazhorancës, ndërsa shtoi se dy emrat që janë lakuar më shumë kohët e fundit, Ardian Dvorani dhe Majlinda Bregu, plotësojnë kushtet e duhura për të mbuluar këtë post të rëndësishëm.

Kemi propozuar një listë të gjatë kandidatësh. I ofruam opozitës shansin të propozonte kandidatë. Po prisnin kandidatët e tyre. Do të prisnim që Shqipëria të kishte një President që në startin e tij dakordësinë e plotë. Ai që të ulet në atë zyrë të jetë përfaqësuesi i qytetarëve shqiptarë. Ne kemi folur gjithmonë për parime. Kemi listë me emra që nesër do të diskutojmë, do të debatojmë.

Për momentin ka një diskutim mbi procesin publik dhe atë diskutim e mbaj edhe për sot. Unë kam qenë një nga ata që jam shprehur që të mos jetë një politikan pjesë e listës së propozuar. Posti i Presidentit është politik, e duhet të jetë një njeri që është pjesë e debatit publik. Duhet një njeri që ka postin e Presidentit një hap më lart në karrierën e tij.

Duhet pasur garanci. Dy emrat që përmendët, i plotësojnë këto kritere. Jo vetëm ne deputetët që do të votojmë, por të gjithë njohin kurrikulën e Majlinda Bregut dhe jetën profesionale të Dvoranit, që u shfaq një kampion i antikorrupsionit”, u shpreh Klosi./E.K-CNA.al

Lajmet e fundit nga