LEXO PA REKLAMA!

SHKARKO APP

E fundit!

x

Blendi Fevziu: Shteti shqiptar nuk ka paguar asgjë për mjekimin e Presidentit Nishani

2 Qershor 2022, 21:51, Politikë CNA
Blendi Fevziu: Shteti shqiptar nuk ka paguar asgjë për mjekimin e
Gazetari Blendi Fevziu

Gazetari Blendi Fevziu ka treguar mbrëmjen e sotme se shteti shqiptar nuk ka paguar asgjë për mjekimin e ish-Presidentit Bujar Nishani, i cili ndërroi jetë në 28 maj, në një spital në Gjermani.

Fevziu deklaroi se shtetit shqiptar i takonte të ndihmonte Nishanin me shpezimet spitalore për arsye dinjiteti dhe për një raport respekti ndaj personalitetit të tij.

Ai tha në emisionin “Milori Live” se shteti ynë ka paguar për mjekimin e shumë personazheve të tjerë.

"Me aq sa unë kam informacion dhe besoj që nuk jam i gabuar: shteti shqiptar nuk ka paguar asgjë për mjekimin e Bujar Nishanit. Një mjekim që duhet të ketë pasur shuma të mëdha, unë nuk mund të flas për atë, por që shtetit shqiptar i takonte për arsye dinjiteti dhe për një raport respekti ndaj personalitetit të tij sepse ne nuk kemi pasur shumë me gjithë historinë e Shqipërisë, ne kemi pasur 9 presidentë duke futur këtu edhe Ahmet Zogun.

Shteti shqiptar, me sa di unë nuk ka paguar asgjë për mjekimin e tij. Do të ishte në dinjitetin e shtetit që personalitete të tilla të larta të kenë të përfshirë edhe mjekimin. Shteti shqiptar ka paguar për mjekimin e shumë personazheve dhe ka bërë shumë mirë, kushdo që ka nevojë, shteti mund t'ia paguajë, nëse mundet t'ia paguajë. Në këtë rast, do të ishte në nderin e shtetit që të kishte paguar edhe faturat e mjekimit të pafat në njëfarë mënyre të Bujar Nishanit”, theksoi gazetari./ B.A. – CNA.al

Lajmet e fundit nga