LEXO PA REKLAMA!

SHKARKO APP

Pse Mul Noka nuk duhet të jetë numri dy i PD-së

2 Qershor 2022, 21:43, Politikë REDAKSIONALE
Pse Mul Noka nuk duhet të jetë numri dy i PD-së
Selia e PD-së

Në njëfarë mënyre Sekretari i Përgjithshëm është fytyra e partisë. Shikoni Gaz Bardhin! Është fytyra e partisë së Lul Bashës. Pra, Partia Demokratike duhet të zgjedhë një fytyrë të pranueshme, intelektuale, luftarake, qytetare dhe qeverisëse nesër.
Krahasoni Bujar Nishanin si Ministër i Brendshëm, me Mul Noken Ministër  i Brendshëm. Si të krahasosh Hekuran Isain me Sokol Olldashin, të dy Ministra të Brendshëm.
Berisha në 30 vjet e ka zotëruar atë parti me frymë dhe jo me duar. Tani disa individë po tentojnë ta zotërojne me duar.
A di Berisha gjë për këtë? Une them po. Por a do të veprojë për t’ua larguar duart këtyre? Të shohim nesër. Berisha nuk ka nevojë për të pasur njeri që fut duart në parti.
Ai sot në PD është më i fuqishëm se kurrë. Ndaj, çdo veprim që bie ndesh me normat e demokracisë e shemb piramidën e suksesit që pruri foltorja.
Ndaj, larg individët, që janë karrieristë të sëmurë e njerëz që gjithë ditën e natën flasin në emër të tij. /CNA.al

Lajmet e fundit nga