Kreu i SPAK-ut, Klodjan Braho, i ka dhënë një shuplakë pol...
Kryemadhi në rolin e shenjtores!/ Ngjela: Përfaqësuesit e LSI janë të gjithë nën akuzë penale
4 Korrik 2022, 17:34, PolitikëCNA
Avokat Spartak Ngjela
Lefter Koka dhe Alqi Bllako, janë dy zyrtarët e fundit të LSI, të cilët sot ndodhen pas hekurave për aferën e inceneratorëve. Aferat e shumta korruptive kanë çuar në burg edhe shumë drejtor e zyrtarë të kësaj partie, ndërsa së fundmi, Monika Kryemadhi ka marrë rolin e shenjtores, duke akuzuar qeverinë për korrupsion dhe kërkon arrestimin e zyrtarëve socialist.
Lidhur me deklaratat e Kryemadhit, ka reaguar avokati Spartak Ngjela.
Në një prononcim për CNA.al, Ngjela tha se Kryemadhi është një njeri i akuzuar për korrupsion, ndërsa shtoi se të gjithë përfaqësuesit e LSI janë nën akuzë penale. Sipas tij, duhet pritur se dita se kur do nis hetimi i tyre.
“Nuk merret shumë për bazë njeriu i akuzuar. Përfaqësuesit e LSI janë të gjithë nën akuzë penale, po se kur do t’iu vi rradha të fillojë rreshtimi penal i tyre, këtë duhet ta presim. Ata janë të trembur. Ky është një president që nuk e takon njeri. Janë të gjithë të shenjuar dhe çështja qëndron a do na ndihmojë politika amerikane me forcën e saj që ka në opinionin publik shqiptar dhe kudo që ta godasim përfundimisht korrupsionin dhe krimin e organizuar? Natyrisht, ne do ta besojmë se na ka nxjerrë një instrument të ri, SPAK-un, por edhe BKH. Ne po presim goditjen, e cila është edhe politike edhe rracionale. Të shikojmë se si do precipitojnë ngjarjet, por korrupsioni nuk ka shpresë sepse vetë Blinken tha që do e godasë korrupsionin shqiptar. Çdo bëhet në datn 7? Asgjë. Unë pres një protestë paqësore, normale, për të parë sa është numri real dhe nëse këta do kalojnë sensin e masës, nuk do u rezistojnë dot as bombalve me gazlotsjellës”, tha Ngjela për CNA.al.
