web counter
LEXO PA REKLAMA!

SHKARKO APP

App Store
Google Play

Koncesioni i inceneratorëve/ Kryemadhi zbulon "skemën" korruptive

4 Korrik 2022, 10:09, Aktualitet CNA

Kryetarja e LSI-së, Monika Kryemadhi, ka publikuar fakte të reja në lidhje me koncesionin e inceneratorëve.

Sot në një konferencë për shtyp me gazetarët, Kryemadhi ka deklaruar se do të dorëzojë në SPAK dokumente që tregojnë se disa kompani shkëmbejnë faturat me njëri-tjetrin, ku frutat shkëmbehen me inerte, ushqimet me asfalt dhe uji i pijshëm me beton.

Përveç kësaj, sipas Kryemadhit, ajo që të vë në dilemë është se këto kompani marrin dhe rimbursimin e TVSH-së.

“Të gjitha këto dokumente ne do t’ia dorëzojmë SPAK-ut. Frutat janë shkëmbyer në inerte. Ushqimet, vaji, sheqeri, janë kthyer në asfalt dhe uji i pijshëm në beton. Pjesa më e madhe e këtyre kompanive, për arsye se me këto kompani unë do të tregohem pak diskrete sepse do të çohen në SPAK. Kompanitë fiktive shkëmbejnë fatura me njëra-tjetrën. Kompanitë e verdha inceneratori, ato jeshile kompanitë që kanë fituar punë publike. Në këto kompani funksionojnë blerjet fiktive tek ushqimet, uji i pijshëm, mund të jenë 8 mln dollarë ujë i pijshëm, 6-7 mln dollarë fruta ekzotike. Janë fatura nën 3 mln lekë që lëvizja të mos bëhet nëpërmjet llogarive bankare. Ajo çka të vë në dilemë të të gjithë gjërave, është se përveçse nuk kryhet, kompanitë marrin dhe rimbursimin e TVSH-së”, deklaroi Kryemadhi./A.E-CNA.al





Lajmet e fundit nga