web counter
LEXO PA REKLAMA!

SHKARKO APP

App Store
Google Play

E fundit!

x

Përplasje e përgjakshme në Athinë/ Zbardhet ngjarja, konflikti mes shqiptarëve që solli tri viktima

3 Korrik 2022, 13:50, Aktualitet CNA
Përplasje e përgjakshme në Athinë/ Zbardhet ngjarja,
Foto nga vendngjarja dhe viktima Adil Tefa

Përplasje të përgjakshme janë regjistruar gjatë orëve të vona të mbrëmjes së djeshme në Kato Patisia dhe Agioi Anargyrou të Athinës.

Mediat greke raportojnë se përplasja ka ndodhur mes dy bandave shqiptare dhe si pasojë janë regjistruar 3 viktima dhe janë plagosur tre persona të tjerë.

Viktimë kanë mbetur shtetasit Jani T. dhe Gëzim A., rreth 30 vjeç, dhe Adil Tefa. Ngjarjet ishin të lidhura me njëra-tjetrën, ndërsa dyshohet se shqiptarët ishin shpërndarës droge.

Personat e përfshirë në përleshje kanë qenë pjesë e të njëjtit grup trafikantësh, por janë ndarë për shkak të mosmarrëveshjeve të pazareve të drogës.

Fillimisht anëtarët e dy familjeve shqiptare janë takuar në rrugën Kourtidou, në Kato Patisia, për të zgjidhur mosmarrëveshjet personale, por konflikti ka degjeneruar.

Pas orës 21:30, u regjistrua një sherr mes shtatë personave në kryqëzimin e rrugëve "Georgiou Nazou" dhe "Kourtidou", ndërsa në vendngjarje është afruar një makinë tip “Benz” me një drejtuese femër dhe dy pasagjerë të tjerë.

Ata kanë plagosur rëndë një të ri me motor, i cili po ndiqej nga babai i tij me një makinë “Audi”. Ky i fundit ka qëlluar për vdekje autorin e të shtënave dhe në përleshjen me armë ka mbetur i plagosur edhe një pasagjer i “Audi"-t. Ai kishte dalë me vrap nga makina për t’iu fshehur plumbave, por plagët i morën jetën në spital.

Gjithashtu edhe nga “Benzi” ka dalë një pasagjer, i cili me kërcënimin e armës ka grabitur një makinë dhe është larguar nga vendi i ngjarjes. Në lagjen “Agion Anargiron”, ai thuhet se ka tentuar të grabisë një karburant dhe një market.

Më pas, ky person ka ndaluar një patrullë policie duke e menduar si taksi. Pasi ka parë efektivët, ai ka qëlluar me armë drejt tyre, por ata i janë kundërpërgjigjur me zjarr dhe e kanë vrarë. Njëri prej policëve ka marrë plumba në këmbë dhe tjetri në shpatull.

Mediat greke shkruajnë se tri viktimat janë shokë me njëri-tjetrin. Dy prej tyre kanë qenë arrestuar për drogë në maj të vitit të kaluar, në Athinë. 

Ndërkaq, autoritetet greke janë duke vijuar hetimet dhe aktualisht kanë vënë në pranga drejtuesen e makinës “Mercedes”./ B.A. – CNA.al





Lajmet e fundit nga