web counter
LEXO PA REKLAMA!

SHKARKO APP

App Store
Google Play

Denoncimi i 17-vjeçarit nga Durrësi/ “Jam bullizuar politikisht nga mësuesit”

2 Korrik 2022, 11:51, Aktualitet CNA
Denoncimi i 17-vjeçarit nga Durrësi/ “Jam bullizuar
17 vjeçari, Erdi Jorgoni

Gjimnazisti nga Durrësi, Erdi Jorgoni, 17 vjeç, ka denoncuar se për arsye të bindjeve politike të djathta, është bërë shpesh subjekt i bullizmit politik.

Jorgoni thekson se ky bullizëm ka ardhur nga mësuesit e tij, për arsyen se më shumë se arsimtarë janë militantë partiakë.  

"Unë jam Erdi Jorgoni, 17 vjeç, nga Durrësi. Jam këtu sot në këtë Foltore për të thënë se do t’i bashkohem protestës së Frontit të Shpëtimit kombëtar më 7 korrik, por jo vetëm kaq. Vij për të thënë se unë jam një i persekutuar politik.

Edhe pse në moshë të re, edhe pse në vitin 2022, edhe pse në qytetin e Durrësit. Në gjimnazin ku unë mësoj, për arsye të angazhimit dhe bindjeve politike të djathta, të mia dhe të familjes, jam bërë disa herë subjekt i bullizmit politik.

Këtë e kanë bërë mësuesit e mi, ata që duhet të ishin mentorët tanë. Kjo vjen për një arsye: më shumë se arsimtarë ata janë militantë partiakë.

Kjo ka çuar në politizim të shkollës, në mediokritet të stafeve pedagogjike dhe në korrupsion të notës”, denoncoi 17-vjeçari.

Ndër të tjera, fton të gjithë bashkëmoshatarët e tij t'i bashkohen protestës në 7 korrik.

“I ftoj të rinjtë durrsakë, dhe nga e gjithë Shqipëria, t’i bashkohen protestës së 7 korrikut. Kur rrezikohet liria e bindjes dhe e shprehjes rrezikohemi të gjithë.

Rrezikohet Shqipëria”, - ka deklaruar Jorgoni./A.E-CNA.al





Lajmet e fundit nga