web counter
LEXO PA REKLAMA!

SHKARKO APP

App Store
Google Play

E fundit!

x

Agjenti “Çelësi” është në Presidencë/ SPAK kontrolloi pesë shtëpi, 2 ishin të Fredi Ymerit

1 Korrik 2022, 22:05, Aktualitet Elton Qyno
Agjenti “Çelësi” është në
Godina e Presidencës

Agjenti “Çelësi” dyshohet se është një punonjës pranë zyrës së Presidentit të Republikës së Shqipërisë, dikaster ky që furnizohet në mënyrë të përditësuar me informacion sekret nga Shërbimi Informativ Shtetëror dhe Shërbimi Informativ Ushtarak.

Vetë SHISH e evidenton në raport këtë agjent si punonjës të institucionit “A”, që sipas ndarjes alfabetike rezulton të jetë institucioni i parë i shtetit, Presidenca.

SHISH dhe SHIU, çdo ditë dhe thuajse çdo 30 minuta informojnë me raporte të ndryshme në mënyrë permanente institucionin e presidencës, mbi aktivitete të dryshme dhe ngjarje të ndodhura, brenda dhe jashtë vendit.

Ndaj dhe SHISH, punonjësit e këtij institucioni dhe personelin që shërben pranë Objekteve të Rëndësisë së Veçantë (ORV), i mban në monitorim mbi takimet dhe kontaktet e tyre të papërshtatshme me persona të huaj në Shqipëri.

Mësohet se ky rast është një episod i veçuar nga dosja tjetër e SHISH dhe SPAK, të cilën e ka botuar, publikuar.

Pikërisht në këtë dosje që hetohet nga prokurori Altin Dumani, jepen raporte dhe situata të kontrollit të banesave të personave të dyshuar në spiunazh, si Frederik Ymeri, Luftar Çunaj, Bashkim Abazi, Gjergji Koti.

Kontrollet janë ligjëruar nga prokurori Dumani dhe më pas kanë qenë agjentët e antiterrorit ata të cilët kanë shkuar në mesnatë nëpër shtëpi.

Dy shtëpitë e para që janë kontrolluar, kanë qenë ato të Frederik Ymerit, ish-Drejtorit të Krimit të Organizuar në Shërbimin Informativ Shqiptar.

Apartamenti i tij që ndodhet në afërsi të tregut Çam dhe shtëpia dykatëshe në Farkë, i është nënshtruar një kontrolli të imtësishëm, ku oficerët mësohet se kanë sekuestruar dokumente, Laptop, USB dhe sende të tjera që janë në verifikim për procedimin penal Nr.3.

Qëllimi i këtij kontrolli të kryer në muajin tetor 2021 të kryer në banesat e personave të selektuar nga SHISH si pjesë e një celule spiunazhi, është bërë për gjetjen e dokumenteve të ndryshme me karakter “Sekret Shtetëror”, shënime të ndryshme dhe dokumente që janë të falsifikuara.

Gjithashtu në fokus të kontrollit të shtëpive dhe zyrave kanë qenë sekuestrimi i kompjuterave, Laptop, USB, karta memorie dhe pajisje të tjera elektronike si telefonat.

Gjithashtu synimi ka qenë në sekuestrimin e shumave të parave në lekë apo valutë të huaj si dollar dhe euro, të cilat mund të jenë mbajtur në banesë dhe përfituar nga aktiviteti kriminal i tyre.

Mësohet se një pjesë e materialeve që janë gjendur në banesa dhe sekuestruar nga agjentët e antiterrorit, kanë qenë materiale pune qysh nga koha kur këto personazhe kanë shërbyer pranë Aparatit Qendror të Shërbimit Informativ Shtetëror.

Gjithashtu të sekuestruara nga OPGJ janë dhe dhjetëra studime dhe broshuara të ndryshme mbi krimin dhe spiunazhin.

 





Lajmet e fundit nga