LEXO PA REKLAMA!

SHKARKO APP

Vrasja e Pjerin Xhuvanit/ Berisha: Policia, indiferente ndaj krimit

30 Qershor 2022, 22:42, Aktualitet CNA

Vrasja e Pjerin Xhuvanit/ Berisha: Policia, indiferente ndaj krimit

Kreu i PD-së, Sali Berisha, ka folur për vrasjen e Pjerin Xhuvanit, të ndodhur pak ditë para zgjedhjeve të 25 prillit të vitit 2021. 

I ftuar në emisionin "Opinion", Berisha tha se këto ditë u faktua se policia qëndroi indiferente ndaj krimit ose në anën e krimit.

Këto ditë doli vrasja e Elbasanit. Këto ditë gjykatësi ose prokurori urdhëroi arrestimin e dy nëndrejtorëve. Këto ditë u faktua se policia qëndroi indiferentë ndaj krimit ose në anën e krimit. Kemi dy zv.drejtorë në arrest, kurse drejtori i përgjithshëm, që gënjeu, dhe kryeministri që e mbrojti, nuk pësuan asgjë. Kush është krimineli i vërtetë? A nuk është ai që mori 18 mijë vota për këta njerëz? Kujt i del zot Edi Rama?

Donin ta mbyllnin ngjarjen me Arbër Paplekajn, një oficer shembullor, një oficer që ishte nga më të mirët në Afganistan. Ai nuk qëllonte kurrë, përveçse në vetëmbrojtje. Në vendimin e policisë thuhet se kanë qëlluar me dy tyta, jo me një. A nuk janë kryeministri dhe drejtori i policisë bashkëpunëtorë në këtë krim. Duhet t’ua dimë për nder gazetarëve trima, që arritën të nxirrnin të vërtetën”, tha Berisha./ A.E-CNA.al

Lajmet e fundit nga