LEXO PA REKLAMA!

SHKARKO APP

Situata ekonomike/ Drejtoria e Arkivave ul tarifat e dokumenteve dhe të fotove

30 Qershor 2022, 18:26, Aktualitet CNA
Situata ekonomike/ Drejtoria e Arkivave ul tarifat e dokumenteve dhe të
Drejtoria e Përgjithshme e Arkivave

Drejtoria e Përgjithshme e Arkivave (DPA) ka ulur tarifat e dokumenteve dhe fotove.

Çdo studiues apo qytetar mund ta përfitojë tashmë riprodhimin e printuar një dokumenti arkivor, për një tarifë prej vetëm 20 lekësh.

Të gjithë hulumtuesit të motivuar nga arsye studimore, do mund të paraqiten në Sallën e Studimit të DPA-së dhe të përzgjedhin materialet që iu interesojnë me një çmim të reduktuar nga tarifa e mëparshme prej 30 lekësh.

Gjithashtu, në sajë të Urdhrit “Për miratimin e tarifave të njehsuara të shërbimit të dokumentacionit në Rrjetin Arkivor Kombëtar në Republikën e Shqipërisë”, studiuesit do mund të marrin në zotërim riprodhimin e skanuar të dokumenteve për një shumë prej vetëm 10 lekësh nga tarifa e dikurshme prej 20 lekësh.

“Hulumtuesit mund të bëjnë tyret foto të personaliteteve, vendeve apo të aktiviteteve të ndryshme, të paraqitura në faqen online të Fototekës së Arkivit Qendror Shtetëror (AQSH), me çmim të përgjysmuar. Thënë këtë, fotot me rezolucion deri në 600 dpi dhe që mbajnë logon e institucionit, do të kushtojnë vetëm 500 lekë, prej çmimit të mëparshëm të 1.000 lekëve. Sipas të njëjtës logjikë, fotot me rezolucion deri në 1200 dpi pa logo dhe me të drejtë publikimi, do të kushtojnë 5.000 prej shumës së dikurshme të 10.000 lekëve. Reduktimi i tarifave do të mbulojë edhe rastet që parashikojnë: dhënien e matarialit arkivor filmik për vepra derivate, për përdorim familjar, studimor, muzeor, si edhe për aktivitete kulturore”, thuhet në njoftimin e DPA-së.

Ky hap ndërmerret në kuadër të situatës ekonomike të vendit dhe sipas DPA-së, masat i bashkëngjiten synimit të përmirësimit të kushteve të ruajtjes së pasurisë dokumentare./ B.A. – CNA.al

Lajmet e fundit nga