web counter
LEXO PA REKLAMA!

SHKARKO APP

App Store
Google Play

“Kërcënimi nga Rusia”/ NATO nxjerr hartën, Shqipëria do të dërgojë trupa në Bullgari dhe Letoni

30 Qershor 2022, 20:46, Aktualitet CNA
“Kërcënimi nga Rusia”/ NATO nxjerr hartën,
Ushtria shqiptare

Lufta ndaj Ukrainës ka bërë që Rusia të shpallet si kërcënim për paqen dhe sigurinë e vendeve anëtare të NATO-s.

Duke marrë shkas nga kjo, NATO vendosi në samitin e Madridit të rrisë numrin e trupave në Europën Lindore, si dhe të shtojë numrin e forcave në gatishmëri të lartë.

Mësohet se nga 40,000 që janë aktualisht, në gatishmëri do të vendosen 300,000 trupa ushtarake.

Si vend anëtar i NATO-s, edhe Shqipëria do të dërgojë trupa ushtarake. Në hartën e publikuar në "Twitter" nga zëdhënësja e NATO-s, Oana Lungescu, vihet re se Shqipëria do të dërgojë trupa në Letoni dhe në Bullgari.

Ndërkohë, ende nuk dihet numri konkret i trupave që do të dërgohen në këto dy shtete nga Forcat e Armatosura Shqiptare.

Kujtojmë se Shqipëria po jep kontributin e saj në Letoni me 21 ushtarakë EOD si pjesë e grup-batalionit kanadez të Prezencës së Përparuar të Përforcuar të NATO-s (eFP) në bazën Adazi, në Riga./ B.A. - CNA.al

“Kërcënimi nga Rusia”/ NATO nxjerr hartën,
Harta e NATO-s




Lajmet e fundit nga