web counter
LEXO PA REKLAMA!

SHKARKO APP

App Store
Google Play

Bojkoti i avokatëve, Saimir Vishaj thirrje Qeverisë/ Situata është alarmante, reagoni

1 Korrik 2022, 09:00, Aktualitet CNA
Bojkoti i avokatëve, Saimir Vishaj thirrje Qeverisë/ Situata
Kreu i Avokatëve Penalistë, Saimir Vishaj

Kreu i Avokatëve Penalistë, Saimir Vishaj, ka kërkuar që përballë bojkotit të avokatëve në shenjë kundërshtimin për hartën e re gjyqësore, Ministri i Drejtësisë, Ulsi Manja, të mbajë qëndrim.

Sipas tij, situata duhet çtensionuar.

“Është një situatë shumë e rëndë, nuk mund ta toleroj, por edhe Ministri i Drejtësisë që është kolegu ynë duhet të mbajë qëndrim. Nuk ka ndodhur që avokatët të bojkotojnë masat e sigurimit.

Njëri duhet të ulet. Shoqata t'i drejtohet ministrit për të çtensionuar situatat e avokatëve. Sot ne do të bëjmë kërkesë që ministri të presë kryetarët e dhomave vendore. Nuk ka asnjë problem që kryetarët e dhomave të paraqesin problemet e tyre që të ketë një negocim për hartën e re gjyqësore”, është shprehur Vishaj.

Ky i fundit këmbëngul se Qeveria nuk duhet të heshtë, pasi gjendja është alarmante.

“Ministri është profesionist dhe e kupton shumë mirë çfarë do të thotë moszhvillimi i seancave pa praninë e avokatëve, ndaj besoj se do të jetë ai faktor mes dhomës së avokatëve dhe KLGJ-së. Unë kam pasur mendim kundër për masat e sigurimit. Janë emergjente dhe qeveria nuk duhet të heshtë sepse gjendja është alarmante.

Ka shumë në paraburgim që prezumojnë se janë të pafajshëm që një masë sigurimi do ta çonte drejt lirisë. Ne duhet të protestojmë te KLGJ-ja, te Ministria e Drejtësisë, jo duke vajtur në plazh.

Nëse avokatët kanë qenë në masa sigurie, përgjegjësia është individuale dhe do të shkojnë drejt heqjes së licencës", ka thënë më tej Vishaj./CNA.al





Lajmet e fundit nga