LEXO PA REKLAMA!

SHKARKO APP

Armata e LSI-së, në pranga/ Zyrtarët e Metës dhe të Kryemadhit që shkuan në burg

1 Korrik 2022, 11:45, Aktualitet CNA
Armata e LSI-së, në pranga/ Zyrtarët e Metës dhe të
Ilir Meta dhe Monika Kryemadhi

Lëvizja Socialiste për Integrim është një forcë politike, e cila u krijua në vitin 2004, pas një përplasjeje të Ilir Metës me ish-kryeministrin e atëhershëm Fatos Nano.

Në vitin 2005, Ilir Meta përdori kandidatët e pavarur dhe çoi Partinë Socialiste në opozitë.

Në vitin 2009, me katër mandate deputetësh u bashkua me Berishën në qeveri, deri në vitin 2013.

Më pas, me 1 prill të vitit 2013 kaloi me Edi Ramën dhe solli “Rilindjen” në pushtet, e cila e zgjodhi President.

Me zgjedhjen e Ilir Metës president, LSI-në për një muaj e drejtoi Petrit Vasili, pastaj drejtimin e partisë e mori Monika Kryemadhi.

Në vitin 2019, pati rrjedhje deputetësh, por edhe baza i firoi. Të gjithë njerëzit e Ilir Metës po e braktisin Monikën dhe LSI-në.

 

Armata e LSI-së, në pranga/ Zyrtarët e Metës dhe të
Ilir Meta dhe Monika Kryemadhi

Sot, pas pesë vitesh që LSI-ja drejtohet nga Kryemadhi, ka përfunduar me katër deputetë në Kuvend.

Në kohën që LSI-ja u krijua mori epiteti  lëvizje e skraparllinjve të inatosur, por shpejt u ndryshua ky epitet dhe LSI-së iu vesh epiteti “bandë”, për shkak të arrestimit të zyrtarëve të saj për vjedhje apo edhe për vepra të tjera penale.

Në zgjedhje kandidatët e LSI-së, pjesa më e madhe ose ishin në hetim nga drejtësia, ose kishin përfunduar dënimin.

Më poshtë po sjellim emrat e zyrtarëve të LSI-së të hetuar dhe arrestuar ndër vite.

Nuk kemi përfshirë në këtë listë të arrestuarit për aferën e kondicionerëve, të cilët ndonëse produkt i LSI-së e kishin braktisur këtë forcë politike.

Viti 2011

Tetë zyrtarë u arrestuan nga policia e shtetit, në Drejtorinë e Kalibrimit që varet nga Ministria e Ekonomisë, që ishte e lidhur ngushtë me Lëvizjen Socialiste për Integrim. Dy prej tyre ishin Roland Çelmeta (anëtar i forumit më të lartë drejtues të LSI-së, Komitetit të Përgjithshëm Drejtues) dhe Moisi Musabelliu, zyrtar i lartë i kësaj partie.

Viti 2014

Policia e Durrësit arrestoi drejtorin e Inspektoriatit të Mjedisit Durrës, Genc Balla, bashkë me vartës të tij, të cilët shtrëngonin për mitmarrje një kompani shqiptaro-kineze. Edhe Balla ishte i emëruar nga LSI-ja.

Në tetor 2014 u arrestua drejtori i Burgut Rrogozhinë, Ferdinand Doksani, së bashku me dy mjekë, me akuzë se krijonin raporte false mjekësore për të dënuarit, me qëllim që këta të fundit të merrnin leje shpërblyese të pamerituara. Edhe Doksani ishte i emëruar nga  strukturat e LSI-së.

Në nëntor të 2014-ës, Policia e Lushnjës ndaloi me urdhër të Prokurorisë drejtoreshën arsimore në këtë qytet, Luiza Tabaku, e cila u merrte shuma të konsiderueshme mësuesve të rinj me qëllim për t'i punësuar.

Viti 2015

Në qershor 2015, Policia e Tiranës me urdhër të Prokurorisë arrestoi Drejtorin Rajonal të Fondit të Detyrueshëm të Kujdesit Shëndetësor, Pjerin Xhuvani (sot i ndjerë), i cili ishte pjesë e zyrtarëve të dyshuar për abuzim me fondin e ilaçeve të rimbursueshme, ku dëmi llogaritej në vlerën e 500 mijë eurove. Xhuvani ishte kryetar i LSI-së në Elbasan.

Më 27 qershor 2015, arrestohet në Tiranë drejtori i Vlerësimit Mjedisor në Ministrinë e Mjedisit, Albert Topçiu, ndërsa po i merrte 2 mijë euro ryshfet, drejtuesit të një subjekti ndërtues. Albert Topçiu ishte njëkohësisht edhe drejtues i degës së LSI-së Fier.

Më 14 korrik 2015 arrestohet drejtori i Hipotekës Lushnjë, Elvis Bajazi, bashkë me shoferin e institucionit. Ata u kapën në kushtet e flagrancës, duke marrë ryshfet për dhënien e një certifikate pronësie në Lushnje.

Më 4 nëntor 2015 është Robert Shtëmbari, Drejtori i Emergjencave Civile në Lushnjë, i cili u akuzua për korrupsion pasiv të personave që ushtrojnë funksione publike. Shtëmbari i kishte kërkuar 1 milion lekë një qytetari në Lushnjë në këmbim të një vendi pune. Humbi jetën në Burgun e Rrogozhinës, më 16 dhjetor 2015, pas një infarkti.

Viti 2017

Armata e LSI-së, në pranga/ Zyrtarët e Metës dhe të
Artur Zoto

Me 21 shkurt 2017, ish-drejtori i Përgjithshëm i Burgjeve, Artur Zoto, vihet në pranga nën akuzën për korrupsion. Zoto u arrestua me kërkesë të prokurorisë me akuzën “korrupsion pasiv” në kuadër të hetimit të nisur pak kohë më parë, ku në pranga u vu edhe ish-zëvendësi i tij, Iljaz Labi. Artur Zoto, pjesë e LSI-së u emërua drejtor i Burgjeve në vitin 2013, ndërsa në korrik të 2016 dha dorëheqjen pas skandalit me tenderat e ushqimeve që përfshiu institucionin që drejtonte.

Po gjatë të njëjtit vit, 6 punonjës të Zyrës për Regjistrimin e Pasurive të Paluajtshme në Kavajë u vunë në prangat e policisë.

Zyrtarët e arrestuar akuzohen për abuzime me regjistrimin e pronave, pasi ata dyshohen se kanë tjetërsuar prona publike kundrejt parave.

Viti 2018

Më 1 shkurt 2018 arrestohet Dashamir Xhika, ish- Drejtori i Autoritetit Rrugor Shqiptar (ARRSH), Dashamir Xhika, pas dosjes të një dëmi rreth 50 milion euro, shkaktuar për ndërtimin e rrugës Tiranë-Elbasan.

Armata e LSI-së, në pranga/ Zyrtarët e Metës dhe të
Dashamir Xhika

Viti 2021

Arrestohet kandidati për deputet i LSI-së në zgjedhjet e 25 qershorit, Etion Joka, i akuzuar për korrupsion aktiv në zgjedhje. Kandidati për deputet i LSI-së u shpall në kërkim pasi dosja i kaloi SPAK-ut, ndërsa ishte shfaqur në një video duke dhënë para në këmbim të votës./CNA.al

Lajmet e fundit nga