web counter
LEXO PA REKLAMA!

SHKARKO APP

App Store
Google Play

E fundit!

x

Votat e Zenelit ia kaluan Gështenjës/ Arrestohet një nga komisionerët e shpallur në kërkim

2 Korrik 2022, 10:11, Aktualitet CNA

Votat e Zenelit ia kaluan Gështenjës/ Arrestohet një nga

Oltion Bajrami, një nga komisionerët në zgjedhjet e 25 prillit, ka rënë në prangat e policisë, pasi akuzohet për manipulim votash, ku ka “fryrë” rezultatin për Lefter Gështenjën, duke i hequr vota kandidatit tjetër Ardian Zeneli. Ndërsa mësohet se vijon të jetë në kërkim komisioneri tjetër Eduart Zito.

Ndërkohë, 6 numëruesit të KZAZ-së të arrestuar pak ditë më parë, Erald Karriqi, Ylli Kuka, Durim Alla, Erjon Dashi, Mili Vasku dhe Olgert Alla kanë mbërritur në Gjykatën e Elbasanit për t’u njohur me masën e sigurisë. Seanca gjyqësore po zhvillohet, ndërkohë që mungojnë avokatët për shkak se vijojnë bojkotin e nisur më herët kundër hartës së re gjyqësore.

Ata janë arrestuar për ndryshime të rezultatit, ku votat për një kandidat i kanë kaluar një kandidati tjetër brenda partisë ose koalicionit.

Në këtë rast bëhet fjalë për 'trafik vote' brenda Partisë Demokratike. Në të dyja këto qendra votimi i janë hequr vota kandidatit Ardjan Zeneli dhe i janë shtuar kandidatit demokrat Lefter Gështenja. Përkatësisht Zenelit i janë hequr 31 vota në qendrën e votimit nr. 2780 dhe 38 vota në qendrën e votimit nr. 2796, pra 69 vota gjithsej, shumica dërrmuese prej të cilave i kanë kaluar Gështenjës, 61 vota.

“Falsifikoi materialet zgjedhore të procesit zgjedhor të datës 25.04.2021, vihet në pranga edhe  1 shtetas tjetër (numërues votash), i shpallur në kërkim.

Specialistët për Hetimin e Krimit Ekonomik dhe Financiar në Drejtorinë Vendore të Policisë Elbasan bënë ekzekutimin e masës së sigurisë "Arrest në burg", për veprën penale "Falsifikimi  i materialeve zgjedhore dhe i rezultatit të zgjedhjeve", për shtetasin:

O. B., 37 vjeç, banues në fshatin Karkavec, Prrenjas.

Nga veprimet hetimore dyshohet se ky shtetas, në bashkëpunim me 6 shtetas të tjerë (të ndaluar më parë), të cilët kanë patur si detyrë numërimin e votave, gjatë procesit zgjedhor të datës 25.04.2021, ka shënuar në tabelat e rezultatit, të dhëna të ndryshme nga ato të fletëve të votimit, me qëllim favorizimin e kandidatëve të subjekteve zgjedhore”, thuhet në njoftimin e policisë. /CNA.al





Lajmet e fundit nga