web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 7 korrikut/ Studentja: Të ngrihemi edhe për ata që nuk kanë mundësi fizike

4 Korrik 2022, 13:53, Politikë CNA
Protesta e 7 korrikut/ Studentja: Të ngrihemi edhe për ata që nuk
Studentja, Edona Osmanaj

Në një deklaratë për mediat, studentja Edona Osmanaj, 21 vjeçe, është shprehur se do t’i bashkohet protestës së 7 korrikut.

Osmanaj gjithashtu u ka bërë thirrje të gjithë studentëve që të protestojnë edhe për ata persona që nuk e kanë mundësinë fizike për të qenë pjesë e protestës.

“Jam Edona Osmanaj, 21 vjeçe, studente.

Jam këtu për t’u bërë thirje bashkëmoshatarëve të mi t’i bashkohen protestës së 7 korrikut.

Unë vij nga përvoja e protestës studentore të vitit 2018.

Në atë kohë protestoja për kushtet e këqija të moshatarëve të mi në konvikt, edhe pse vetë nuk isha konviktore.

Protestoja për studentët që nuk merrnin bursën, edhe pse unë vetë nuk merrja bursë. 

Kam protestuar atëherë, dhe do të protesoj më 7 korrik, sepse protestat nuk janë dhe nuk mund të jenë diçka vetjake.

Protestat bëhen për shumicën, jo për atë pakicë që i ka punët në rregull. 

Protestat nuk janë vetjake, dhe kur të vijë dita që ato të jenë të tilla, nuk mban më situata.

Një protestë vetjake do të thotë të mbetesh pullë vetëm.

Për këtë duhet të bashkohemi: të mos lëmë askënd në rrezik që të mbetet vetëm.

Më 7 korrik, le të ngrihemi edhe për ata që nuk i kanë as mundësitë fizike të shkojnë në protestë”, është shprehur Osmanaj./ CNA.al





Lajmet e fundit nga