web counter
LEXO PA REKLAMA!

SHKARKO APP

App Store
Google Play

E fundit!

x

Luli ka kaluar në variantin “Gëzuar”

4 Korrik 2022, 10:06, Politikë CNA

Luli ka kaluar në variantin “Gëzuar”

Gati nëntë vjet pasi mori drejtimin e Partisë Demokratike, partisë më të madhe të opozitës, në mars të këtij viti, Lulzim Basha dha dorëheqjen nga drejtimi i kësaj force politike.

Dorëheqja e Lulzim Bashës, erdhi pas një tjetër dështimi të turpshëm, në zgjedhjet e pjesshme vendore të 6 Marsit, ku jo vetëm që nuk mori asnjë bashki, por u katandis forcë e tretë politike.

Pra, pasi shkatërroi Partinë Demokratike dhe përçau demokratët, Lulzim Basha iku me turp nga drejtimi i kësaj force politike.

Por, tashmë Lulzim Bashën, e shohim në një tjetër variant.

Pas ikjes me turp nga drejtimi i PD-së, Lulzim Basha pothuajse është “zhdukur”. Daljet mediatike i ka shumë të rralla, por edhe reagimet në rrjetet sociale, i ka vetëm në variantin “Gëzuar”.

Nëse do të shikosh në faqen e Lulzim Bashës në rrjetet sociale, ajo që bie në sy është se Luli shkruan vetëm “Gëzuar”.

Luli ka kaluar në variantin “Gëzuar”

Para pak ditësh shkruante “Gëzuar 2 Korrikun”, sot sërish “Gëzuar 4 Korrikun”, e kështu me radhë. Për Lulzim Bashën tani ka vetëm gëzime, a thua se nuk është ky që shkatërroi Partinë Demokratike.

Luli ka kaluar në variantin “Gëzuar”

A thua nuk është ky që shiti çdo kauzë të opozitës.

A thua nuk është ky që përçau grupin parlamentar të Partisë Demokratike.

A thua nuk është ky që tradhëtoi demokratët, braktisi kuksianët që protestuan për Rrugën e Kombit, braktisi artistët në betejën për Teatrin Kombëtar. Teatri u shemb, ndërsa Basha flinte i qetë në shtëpinë e tij. Braktisi studentët. Premtoi se do ta çonte në Gjykatën Kushtetuese Ligjin për Arsimin e Lartë, por nuk e bëri kurrë. Që në fakt ishte ky ligj që nxori studentët në protestë.

Ishte Lulzim Basha i cili i fali në tavolinë Edi Ramës 61 bashki, duke bojkotuar zgjedhjet vendore të 30 qershorit 2019. Ishte po Lulzim Basha që duke djegur mandatet e deputetëve, duke braktisur Kuvendit, i “dhuroi” Edi Ramës, një mazhorancë kushtetuese.

Dhe ishin po veprimet e Lulzim Bashës, të cilat lanë Partinë Demokratike tre mandate radhazi në opozitë, ndërsa Rilindja gëzon mandatin e tretë qeverisës.

Por, pavarësisht të gjithave Luli ka kaluar në variantin “Gëzuar”.

Ndërkohë që shqiptarëve po iu “shtrëngohet laku” dita-ditës, nga kriza ekonomike dhe rritja e “çmendur” e çmimeve, Lulzim Basha thotë “Gëzuar”.

Në vend që të bëjë thirrje për protesta. Në vend që t’i bashkohet protestës së paralajmëruar në datën 7 Korrik, Lulzim Basha thotë “Gëzuar”.

Duke treguar qartë se kush është personi që drejtoi Partinë Demokratike në gati nëntë vite, dhe kujt i shërbente ai.

Tashmë, demokratët e kanë të qartë./CNA.al

 





Lajmet e fundit nga