E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Dorëheqja e vonuar e Lulzim Bashës

21 Mars 2022, 17:05, Politikë CNA

Lulzim Basha doli pasditen e sotme në një deklaratë për media ku njoftoi dorëheqjne e tij nga posti i kryetarit të PD.

Ndonëse në 11 dhjetor 4446 demokratë votuan pro shkarkimit të tij, duke e pasqyruar këtë në referendumin e 18 dhjetorit, Basha sërish nuk e pranonte, duke mbajtur po në të njëjtën datë antikuvendin e tij.

Por çfarë solli Lulzim Basha në jetën e tij politike?

Lulzim Basha do të mbahet mend gjatë në historinë politike, si njeriu që nuk fitoi asnjë herë asnjë betejë.

I katapultuar në politik, duke mbajtur poste të ndryshme, duke nisur nga ministër i Brendshëm, ku gjatë qëndrimit të tij u vranë 4 veta në bulevardin Dëshmorët e Kombit, më pas ministër i Infrastrukturës, që do mbahet mend për gropën financiare që la me korrupsionin e madh në Rrugën e Kombit. Pa meritën e tij dhe me një fitore të dhuruar, Basha për katër vite drejtoi edhe Bashkinë e Tiranës.

Në vitin 2013, kur ish kryeministri Sali Berisha dha dorëheqjen nga PD pas humbjes në zgjedhje, në vend të tij u zgjodh Lulzim Basha.

Gjatë kohës që u zgjodh në krye të PD, Basha nisi sprastrimin e partisë, duke hequr të gjithë emrat e fortë dhe kritik, duke nisur nga Ridvan Bode, Jozefina Topalli, Majlinda Bregu, Astrit Patozi e shumë të tjerë.

Katër vite më vonë, në 17 maj 2017, Basha hyri në një marrëveshje të fshehtë me Edi Ramën, duke marrë peng partinë dhe duke e çuar sërish në humbje.

Nga viti 2017 e në vazhdim, dukej se Basha postin e mbante vetëm për pasurimin e familjes së tij dhe gjobave që vendoste, por asnjë herë nuk ka bërë opozitë në favor të qytetarëve përballë qeverisë.

Në vitin 2019, Basha la në baltë demokratët, duke djegur mandatet në muajin shkurt, ku i la ata pa përfaqësi, si dhe bojkotoi për herë të parë në histori zgjedhjet vendore të 30 qershorit.

Zgjedhjet e 25 prillit, i dhanë një tjetër goditje demokratëve. Për të tretën herë, ata do ishin pa përfaqësim, dhe fajtor sipas tyre ishte vetëm Lulzim Basha. Duke përsëritur gjithmonë të njëjtin refren, Luli shprehej se zgjedhjet janë të vjedhura nga grupet kriminale, por asnjë herë nuk e pranoi që dështimi i tij sillte vetëm humbje.

Dhe ajo që i ?vendosi kapak? ishte disfata e turpshme në zgjedhjet e pjesshme të 6 marsit, ku Lulzim Basha doli i fundit në pothuajse të gjitha bashkitë. Ndërsa sot, u kujtua që të jap dorëheqjen, por ky veprim është mjaft i vonuar.

Basha dha dorëheqjen pasi shkatërroi totalisht PD dhe e la atë tokë të djegur.

Tashmë ai do përpiqet ta marrë peng duke tentuar të zgjedhë atë që do, ose i jep garanci./E.K-CNA.al