web counter
LEXO PA REKLAMA!

SHKARKO APP

App Store
Google Play

“Përçarja, shkak i humbjes së PD në 6 Mars”/ Kulluri: Duhet të ndalohet kjo aventurë shkatërruese

21 Mars 2022, 09:44, Politikë CNA

Ish-kryetari i anëtarësisë së Këshillit Kombëtar të PD, Edvin Kulluri në një konferencë për mediat së bashku me ish kreun e PD, dega Kukës, Ibsen Elezin, ka deklaruar se zgjedhjet e 6 Marsit treguan rënien e besimit të votuesve të djathtë. Sipas Kullurit shkaku ka qenë dhe mbetet përçarja e PD.

“Rënia me 24% të votave në raport me zgjedhjet e fundit të vitit 2021 flet qartë për rënien e besimit të votuesve të djathtë por jo vetëm tek opozita. Shkaku kryesor për këtë situatë dramatike ka qenë dhe mbetet përçarja në PD, të paktën që nga vitit 2017. Grupi i Rithemelimit i dalë nga Kuvendi i datës 11 dhjetor nuk arriti dot të zbatonte vendimet e marra në këtë Kuvend duke mos prodhuar një proces bashkimi të demokratëve.

Këmbëngulja e Lulzim Bashës dhe e një pjesëtarëve të tjetër të PD për të sfiduar shumicën e anëtarësisë në PD po konfirmon rolin shkatërrues në PD. Çdo tentativë për të mbajtur të uzurpuar drejtimin e PD apo dhe për ta riuzurpuar atë përmes një procesi të njëanshëm zgjedhor po e çon PD drejt shkatërrimit përfundimtar të saj.

U bëjmë thirrje anëtarësisë të PD që përmes vullnetit të lirë të ushtrojnë trysni për ndalimin e kësaj aventure shkatërruese nga të dy palët në konfliktin aktual. PD ka nevojë për bashkim të menjëhershëm“, tha Kulluri./ CNA.al





Lajmet e fundit nga