web counter
LEXO PA REKLAMA!

SHKARKO APP

App Store
Google Play

Kriza energjetike/ Balluku thirrje bashkive:Të fiken dritat e panevojshme

20 Mars 2022, 15:15, Politikë CNA

Ministrja Belinda Balluku, në një dalje live për mediat ka folur në lidhje me situatën energjitike në vend dhe masat të cilat do të merren nga qeveria për të konbtrolluar situatën. Balluku shpjegoi se do të ndërpritet ndriçimi në akset rrugore të ndriçuara në degëzim, duke përjashtuar disa kryqëzime, por siguroi se kjo nuk do të prekë sigurinë e transportit.

?Për këtë arsye do marrin një sërë masash konsumi. I kemi kërkuar ARRSH-së që të nisë nga puna me OSHE përndërprerje të ndriçimit në disa akse rrugore.  Do të ketë ndërprerje në akset rrugore të ndriçuara në degëzim.  Nuk do prekim pjesë të akseve që cënojnë sigurinë?, tha ajo.

Ministrja shtoi se nga masat do të preken edhe pushtetet lokale, ku pas orës 24 do të kërkohet ndërprerja e energjisë për ndërtesat zyrtare të cilat nuk përbëjnë problem.

?Kërkojmë mirëkuptimin, masa tjetër është kërkesa për pushtetet lokale për të kufizuar energjinë për ndriçim. Nga ora 12 e mesnatës  kërkohet fikje e ndriçimit në ndërtesat ku nuk prish punë?, tha ajo.

Balluku sqaroi gjithashtu se çmimi i energjisë për familjarët mbetet i pandryshuar, ndërkohë që çmimi i energjisë së importit është rritur. Kjo pasi në situatën hidrike që ndodhemi, energjia vjen nga termocentralet dhe çmimi i naftës është rritur./ CNA.al





Lajmet e fundit nga